Ижкар+2 °C
20 коньывуон 2019 Воскресенье
16+

Крезьгурчилы Геннадий Корепанов-Камскийлы буре ваён пул усьтӥзы Ижкарын

  • 438
  • 0
Ижкар / Удмуртия
Крезьгурчилы Геннадий Корепанов-Камскийлы буре ваён пул усьтӥзы Ижкарын
Туспуктэм: Руслан Нуриахметов

4-тӥ коньывуонэ Ижкарын удмурт крезьгурчилы Геннадий Корепанов-Камскийлы сӥзем буре ваён пулэз усьтӥзы. Сое крезьгуръя элькун колледжлэн борддорез борды юнматӥзы. 1971-1976 аръёсы Геннадий Михайлович отын кивалтӥсь луыса ужаз.

Геннадий Корепанов-Камскийлы сӥзем буре ваён пул усьтӥзы Ижкарын


Ужрадэ колледжын дышетскисьёс, Дэбес ёрослэн тӧроез Андрей Иванов, «Байгурезь» бӧляклэн тӧроез Валерий Сунцов, крезьгурчилэн нунокез Дарья Корепанова-Камская, Удмуртиысь лулчеберетъя министр Владимир Соловьёв, элькунысь крезьгурчиослэн огазеяськонзылэн кивалтӥсез Марина Ходырева, эшъёсыз но дышетскисьёсыз, лулчеберет удысын ужасьёс.

Со улэп. Со ми пӧлын. Солэн кырӟанъёсызлы кулэяськон вань. Солэн произведениосыз быдэсъясько
Владимир Соловьёв, Удмуртиысь лулчеберетъя министр

Озьы ик со матысь аръёсы Корепанов-Камскийлэн вордскем палъёсаз, Дэбес ёросысь Тыловай черкогуртын, лулчеберт юртэз тупатъялозы шуыса вераз.

Песятаелэн Геннадий Михайлович Корепанов-Камскийлэн вань улонэз возьматэ, макем со яратӥз аслэсьтыз ужзэ. Озьы ик аслэсьтыз шаерзэ, аслэсьтыз калыксэ пумтэм яратэмзэ
Дарья Корепанова-Камская, крезьгурчилэн нунокез

Крезьгуръя коллеждлэн кивалтӥсез крезьгурчиен ӵош Удмуртилэн пӧртэм ёросъёсаз лулчеберетъя нуналъёсы потамзэс тодаз вайиз.

Дэбесъёслэн «Байгурезь» бӧляклэн кивалтӥсез Валерий Сунцов нырысь ик егитъёслы вазиськиз.

Ми сое котьку тодамы возёмы. Шудэ солэсь произведениоссэ, творчествоез пыр тодады возё, солэсь кырезьгурзэ пиналъёсты но мед кылозы. Озьы гинэ удмурт лулчеберетмес утьыны луоз – тани таӵе адямиос пыр
Валерий Сунцов, Дэбесъёслэн «Байгурезь» бӧляклэн кивалтӥсез

Ватсалом, 18-тӥ коньывуонэ Ижкарын Геннадий Корепанов-Камскийлы сӥзем кӧня ке ужрадъёс ортчозы на:

- 13 часын крезьгурчилэн улон юртэз вылысь буре ваёнэ пуэз усьтозы (Пушкинской ульча, 182);

- 15 часын филармониын творчествоезлы сӥзем конфернци усьтӥськоз. Отын ик Дэбес ёросысь но филармониысь творчествоя коллективъёслэн пыриськеменызы сӥё-дано ужрад ортчоз.

Тодэ вайытом, 17-тӥ гудырикошконэ Дэбес ёросын удмурт крезьгурчилэн Геннадий Корепанов-Камскийлэн вордскемез дырысен 90 ар тырмонлы сӥзем «Певец земли удмуртской» элькун фестиваль ортчиз. Со улсын крезьгурчилэн вордскем палъёсаз – Тыловай черкогуртын - буре ваён пул усьтӥзы. Ижкарысь одӥгезлы выль ульчалы Корепанов-Камскийлэсь нимзы сётозы. Пусъём, удмурт крезьгурчилы сӥзем ужрадъёсты ортчытыны коньдон Дэбес ёрос Азьмуртлэн грантъёсъя фондысьтыз басьтӥз

Наши партнеры

Наверх
Вниз