Ижкар+2 °C
20 коньывуон 2019 Воскресенье
16+

Удмурт лулчеберетлы сӥзем «Ерпечкаос» клублэн пумиськоназ Москваын 11 пиналъёс пыриськизы

  • 173
  • 0
Москва / Россия
Удмурт лулчеберетлы сӥзем «Ерпечкаос» клублэн пумиськоназ Москваын 11 пиналъёс пыриськизы

5-тӥ коньывуонэ Москваысь Лымшор но шундыӝужанпал административной округысь ресурс центрын удмурт лулчеберетлы сӥзем «Ерпечкаос» нылпи клублэн нырысетӥ пумиськонэз ортчиз. Ужрадэ 5-11 аресъем 11 пиналъёс лыктӥзы. Со сярысь «Герд» огазеяськонлэн правлениезлэн ёзчиез Лариса Марданова ивортӥз.

Тросэз клубе лыктэм пиналъёс «Герд» но «Удмурт бӧляк» огазеяськонъёсын ортчытъяськись ужрадъёсы мыло-кыдо пыриськисьёс. Нош кӧняез ке нылпиос, озьы ик анай-атайёс, кунлэн шоркараз кӧня ке ар ӵоже улытозязы улосчиосынызы нырысьсэ пумиськизы
Лариса Марданова, «Герд» огазеяськонлэн правлениезлэн ёзчиез

Удмурт кылъя урокез Людмила Нордгеймер ортчытӥз. Куд-огез пиналъёс удмурт кылэз нырысьсэ кылӥзы. Ог-огенызы удмурт сямен ӟечьяськыны дышетскизы, выль кылъёсты тодӥзы. Кун Думаын Удмуртилэсь депутат Алексей Загребин нылпиослы букварьёс но учебникъёс кузьмаз.

Пиналъёс дышетскытозь, клубез радъясьёс анай-атайёсын клублэн пуштросэз пумысен кенешизы, лэчыт ужпумъёс сярысь вераськизы.

Оскем потэ, занятиос пиналъёслэсь удмурт лулчеберетэн но кылэн тунсыкъяськыны мылкыдзэс ӝутозы, нош паськыт учкыса – калык визез валаны, удмуртъёслэсь гинэ ӧвӧл
Лариса Марданова, «Герд» огазеяськонлэн правлениезлэн ёзчиез

«Ерпечкаос» нылпи клубын пумиськонъёс толэзяз одӥг пол ортчылозы. Удмурт кылэз дышетонъёс кырӟан, театр, киуж но эктон ӧръёсын пӧлэстӥськозы. Озьы ик удмурт шудонъёсын но сиён-юонэн тодматозы.  

Тодэ вайытом, Ижкарысь Кузебай Герд нимо йӧскалык гимназиын быдэс дышетскон ар ӵоже кыстӥськись «Алангасарлэн пытьыостӥз» квест кутскиз.

Наши партнеры

Наверх
Вниз