Удмуртиысь Вавож ёросын федерал но улосвыл ӵектосъёсъя мер интывылъёсты умоятон мынэ. Выльдэм мер интыос кылдозы Вавожын, Какможын но Нюдор-Котьяын. Со сярысь муниципал кылдытэтлэн нимлыко сайтаз ивортэмын.
Вуоно арын ӵектосъя ужъёсты азьланьтыны малпало. Стадионын тренажёръёс пуктыны но спортплощадка лэсьтыны чаклало.
Озьы ик та ӵектосъя Вавожын куинь азбаръёсты умоятӥзы.
Куарусёнэ Вавожлэн шораз сквер усьтӥзы. «Инициативное бюджетирование» улосвыл ӵектос улсын отын умоятон ужъёсты азьланьто, соосты 1-тӥ шуркынмонлы йылпумъяны кулэ. Со сяна, черкогуртын улӥсьёс Быдӟым Атыкай ожын бырем улосчиоссылы синпелет вӧзысь интыез умоятон понна ӵектосэ пыриськыны пумкылъян кутӥзы.
Тодэ вайытом, «Инициативное бюджетирование» ӵектосъя Можга ёросысь Пичи Сюга гуртысь лулчеберет юрт вӧзын семьяен шутэтскон парк лэсьтӥзы.