Ижкар+2 °C
20 коньывуон 2019 Воскресенье
16+

100 кедрапуос мерттозы Ижкарын Михаил Калашниковлэн котырес лыдпусэзлы

  • 264
  • 0
Ижкар / Удмуртия
100 кедрапуос мерттозы Ижкарын Михаил Калашниковлэн котырес лыдпусэзлы
Туспуктэм: Руслан Нуриахметов

11-тӥ коньывуонэ Ижкарысь М. Т. Калашников нимо скверын 100 кедрапуос мерттозы. Конструкторлэн вордскемез дырысен 100 ар тырмонлы сӥзем ужрадэ Техникая кун университетысь студентъёс, дышетӥсьёс но Ижын улӥсьёс пыриськозы. Со сярысь дышетсконнилэн пресс-службаез ивортэ.

Писпу юнме шорысь быръемын ӧвӧл. Михаил Тимофеевич та писпуэз яратэ вал но трос пол пусйылӥз, сибыр кедр – со вордскем Алтай шаерзэ тодаз возён
Ижысь техникая кун университетлэн пресс-службаез

Со сяна, скверын 600 тюльпанъёс мерттозы. Со выль скверлы но Октябрь ёросын улӥсьёслы Ижкар администрацилэсь кузьым.

Озьы ик ужрадэ «Студент года-2019» йӧскалык премие пыриськисьёс итӥськозы. Со нуналэ студентъёслэн «Интеграл» дворецазы вожвылъяськонлэн улосвыл люкетэзлэн финалэз ортчоз. Удмуртиысь вань ёросъёсысь но каръёсысь студентъёс, эшъяськонзэс возьматыса но Михаил Калашниковез сӥлы карыса, кедрапуос мерттозы.

Ужрад университетлэн 2-тӥ юртэз дорын 11 час 40 минутэ кутскоз. Пыриськыны вань мылкыд карисьёс быгато. 

Тодэ вайытом, Михаил Калашников нимо скверез Ижкарын 25-тӥ куарусёнэ усьтӥзы




Наши партнеры

Наверх
Вниз