Ижкар+26 °C
12 -тӥ пӧсьтолэзь 2020 Воскресенье
16+

Туала йӧскалык кылбуретлы но ожъёсын быремъёслы сӥзем ӝыт ортчоз Ижкарын

  • 374
  • 0
Ижкар / Удмуртия
Туала йӧскалык кылбуретлы но ожъёсын быремъёслы сӥзем ӝыт ортчоз Ижкарын
Туспуктэм: Майя Бывальцева

22-тӥ коньывуонэ 18 часын Ижкарын Калыкъёслэн эшъяськон юртазы Удмуртиысь йӧскалык лыдӟетъюрт «Тӧдьы туриос» («Белые журавли») литературая праздник ортчытоз. Со сярысь лыдӟетъюртлэн пресс-службаез ивортэ.

Тӧдьы туриослэн нуналзы – туала йӧскалык кылбуретлы но ожъёсын бырем солдатъёслы сӥзем праздник. Со Дагестанысь тодмо кылбурчилэн Расул Гамзатовлэн кичӧлтэмезъя Россиысь калыкъёслэсь но лулчеберетъёслэсь кусыпъёссэс юнматон понна кылдӥз

Ужрадын оже ветлэм кылбурчиослэн - Муса Джалильлэн, Павел Коганлэн, Борис Костровлэн, Варвара Наумовалэн, Самуил Росинлэн, Елена Ширманлэн, Фатых Каримлэн - ужъёсынызы тодматскыны луоз. Соослэсь кылбуръёссэс лулчеберетъя йӧскалык огазеяськонъёсысь азьветлӥсьёс, «Класс» театр студиысь пиналъёс лыдӟозы. Озьы ик праздникез Идрис Темиров – кырӟанъёс гожъясь но быдэсъясь – шулдыртоз.

Шулдыръяськонэ лулчеберетъя йӧскалык огазеяськонъёслэн ыстэм муртъёссы, Ижкарысь колледжъёсысь студентъёс, кадетъёс но школаосысь дышетскисьёс пыриськозы.

Ужрадэ вань мылкыд карисьёсты возьмало. 



Наверх
Вниз