Ижкар+18 °C
13 -тӥ пӧсьтолэзь 2020 Вордӥськон
16+

Модая «Fashion 50+» фестиваль нырысьсэ ортчоз Ижкарын

  • 474
  • 0
Ижкар / Удмуртия
Модая «Fashion 50+» фестиваль нырысьсэ ортчоз Ижкарын
Туспуктэм: Руслан Нуриахметов

1-тӥ шуркынмонэ Ижкарын 50 ареслэсь ортчем кышномуртъёслы но воргоронъёслы модая нырысетӥ фестиваль ортчоз. Со сярысь Удмуртиысь мерлыко политикая но ужъя министерстволэн пресс-службаез ивортэ.

«Fashion50+» фестиваль арлыдоослы асьсэды йӧногес шӧдыны но аспӧртэмзэс пусйыны юрттоз

Фестиваль улсын суредасьёслэн ужъёсынызы адӟытонъёс, мастер-классъёс ортчозы, нош йылпумъясь ужрад модая дефиле луоз. Подиум вылэ пӧртэм ӧнерен потозы: эмчиос, дышетӥсьёс, пӧртэм ужъёсты быдэсъясьёс, бухгалтеръёс, менеджеръёс, кун служба нуисьёс но ужбергатӥсьёс.

«Fashion50+» фестиваль мӧйыосты мода дуннез валаны но улонлэн пӧртэм ӧръёсаз пыриськыны мылкыдзэс ӝутоз.

Модая фестивале пыриськон понна 50 но солэсь тросгес аресъем вань мылкыд карись нылкышноосты но воргоронъёсты ӧтё. Быръёнъёс «Аксион» вузкарон центрын 14-тӥ, 21-тӥ, 28-тӥ коьнывуонэ 11 часысен 15 часозь ортчозы. Юанъёсын 89196321959 телефон номеръя вазиськоно

1-тӥ шуркынмонэ 16 часысен вань мылкыд карисьёс мастер-классъёсы пыриськыны быгатозы, нош 18 час 30 минутэ дефиле кутскоз.

Ужрадэз Удмуртиысь мерлыко политикая но ужъя министерство, лулчеберетъя министерство, Россиысь пенсиосъя фондлэн элькунъя ёзэтэз юрттэмен «Деловые женщины Удмуртии» нылкышно движение радъя. Фестиваль мӧйыослы мерлыко юрттэт сётонъя программаосты вӧлмытонлы но сэзь улонэз кузьгес каронлы сӥзем Россилэн азьмуртэныз Владимир Путинэн кичӧлтэм «Демография» йӧскалык ӵектослэн валтӥсь ужпумъёсызлы тупа. 

Тодэ вайытом, 20-тӥ коньывуонэ Удмуртиын нырысьсэ Атайлэсь нуналзэ пусъёзы.



Наверх
Вниз