Ижкар+17 °C
21 -тӥ инвожо 2021 Вордӥськон
18+

Быдӟым Атыкай оже пыриськемъёслэсь мультимеди галереязэс кылдытонэ пыриськыны ӧтё Удмуртиын улӥсьёсты

  • 411
  • 0
Ижкар / Удмуртия
Быдӟым Атыкай оже пыриськемъёслэсь мультимеди галереязэс кылдытонэ пыриськыны ӧтё Удмуртиын улӥсьёсты
Туспуктэм: Алексей Бакулв

Удмуртиын улӥсьёсты Россиысь ожгар кужымъёслэн Валтӥсь храмзылэн интывылаз Вормонлэн 75 ар тырмонэзлы пуктӥськись «Дорога памяти» мемориал огъетлэсь мультимеди галереязэ кылдытонэ пыриськыны ӧтё. Со сярысь элькунысь ожгар комиссариатлэн пресс-службаез ивортэ.

Ӵектос фронтын ожмаськемъёслэсь но обороная предприятиосын ужамъёслэсь, партизанъёслэсь но котыртэм Ленинградын улэмъёслэсь, Быдӟым Атыкай ож аръёсы ужамъёслэсь туспуктэмъёссэс огазеялоз. Озьы ик отчы фронтысь вуэм гожтэтъёслэсь копиоссэс пыртозы.

Удмуртиын улӥсьёс Быдӟым Атыкай оже пыриськемъёслэсь туспуктэмъёссэс, гожтэтъёссэс ёросъёсысь ожгар комиссариатъёсы вайыны быгато. Верано луоз ожгарчилэсь яке фронт мышкын ужам муртлэсь нимтулзэ, кытын но ку вордскемзэ. 

Тодэ вайытом, Удмуртиын Быдӟым Атыкай ожысь батыръёслы сӥзем «Дауръёслы улэпесь удмуртъёс» книга поттӥзы



Наверх
Вниз