Ижкар+9 °C
16 -тӥ куарусён 2021 Покчиарня
18+

«Брангуртысь песянайёс» коллективын кырӟась Наталья Пугачёва улонысь кошкиз Удмуртиын

  • 443
  • 0
Брангурт / Удмуртия
«Брангуртысь песянайёс» коллективын кырӟась Наталья Пугачёва улонысь кошкиз Удмуртиын
Туспуктэм: twitter.com (Александр Бречалов)

Удмуртиын «Брангуртысь песянайёс» коллективын кырӟась Наталья Пугачева улонысь кошкиз. Со сярысь Twitter («Твиттер») мерлыко вотэсысь бамаз элькунлэн тӧроез Александр Бречалов ивортӥз.

Улонысь кошкиз калыкен яратоно Пугачёва Наталья Яковлевна. <…> Ӵыжы выосызлы но матысь адямиосызлы куректэмме верасько
Александр Бречалов, Удмуртилэн тӧроез

28-тӥ коньывуонэ Удмуртиысь калык артисткалы 84 арес тырмысал.

Наталья Яковлевналэн улонысь кошкеменыз валче мерлыко вотэсъёсын куректэмзэс трос адямиос верало.

Кыӵе жаль....Сайкыт лул, яркыт пальпотон, чилясь синъёс... Яратоно Наталляпай, Инмар умой интые мед интыялоз. Тау Тӥледлы удмурт калыклэсь улонэз яратон сямзэ дуннее вӧлмытэмды понна
Татьяна Ишматова, «Удмурт Кенеш» огазеяськонлэн тӧроез, Кун Кенешысь депутат

Наталляпай, ӟеч изь! Тонтэк мӧзмыт луоз...
Надежда Уткина, Россиысь дано артистка, Удмуртиысь калык артистка

Люкиськон 27-тӥ коньывуонэ 13 часын Брангуртысь черкын ортчоз

Тодэ вайытом, 2012-тӥ арын «Бурановские бабушки» коллективен «Евровидение» вожвылъяськонын кыкетӥ инты басьтӥз. Солы луыса Удмуртиын котькуд ар 26-тӥ куартолэзе Песянайлэн нуналэз пусйиське.

Песянайёс тыршемен Брангуртын черк ӝутӥзы, али огназы кылем пересьёслы улон корка пуктон понна коньдон люкало. 



Наверх
Вниз