Ижкар+22 °C
8 -тӥ гудырикошкон 2020 Кӧснунал
16+

Тямыс шутэтскон нуналъёс возьмало Удмуртиын улӥсьёсты Выль ар шулдыръяськонъёс вылтӥ

  • 1662
  • 0
Ижкар / Удмуртия
Тямыс шутэтскон нуналъёс возьмало Удмуртиын улӥсьёсты Выль ар шулдыръяськонъёс вылтӥ

Вуоно Выль ар шулдыръяськонъёс вылтӥ Удмуртиын улӥсьёс тямыс нунал шутэтскозы. Со сярысь пуктэтэз Росси кивалтэтлэн вотэсбамаз шараязы.

Сое Ужъя кодекслэн 112-тӥ ёзэтэзъя («Шутэтскон праздник нуналъёс») кунысь ужъя министерство дасяз. Ужкагазэз Росси кивалтэтлэн тӧроез Дмитрий Медведев кинюртӥз.

Праздникъёс вылтӥ шутэтскон но ужан нуналъёсты пайдалыко радъян вылысь кивалтэт 2020-тӥ арын шутэтскон нуналъёсты выжтыны пуктӥз:

- кӧснуналэз 4-тӥ толсурысь вордӥськонэ 4-тӥ куартолэзе;

- арнянуналэз 5-тӥ толсурысь пуксёнэ 5-тӥ куартолэзе.

Ужкагазлы валэктонын верамын, вуоно арын Россиын улӥсьёс 1-8 толсуре шутэтскозы. Туэ 30-тӥ но 31-тӥ толсур – вордӥськон но пуксён - ужан нуналъёс луозы

Озьы ик 2020-тӥ арын шутэтскомы: 22-24 тулыспалэ – Атыкай музъемез утисьлэн нуналэз вылтӥ, 7-9 южтолэзе – Нылкышноослэсь калыккуспо нуналзэс пусъён, 1-5 куартолэзе – тулыслэн но ужлэн праздниксы, 9-11 куартолэзе – Вормон нунал шулдыръяськонъёс, 12-14 инвожое – Россилэсь нуналзэс пусъён, 4-тӥ шуркынмонэ – Калыкъёслэн огазеяськон нуналзы. 



Наверх
Вниз