Ижкар+22 °C
8 -тӥ гудырикошкон 2020 Кӧснунал
16+

Удмуртиысь студотрядъёслэн командирзы Россилэн азьмуртэныз пумиськиз

  • 203
  • 0
Москва / Россия
Удмуртиысь студотрядъёслэн командирзы Россилэн азьмуртэныз пумиськиз
Туспуктэм: vk.com (МИНСПОРТ УДМУРТСКОЙ РЕСПУБЛИКИ)

Удмуртиысь студентъёслэн отрядъёссылэн командирез, Удмуртиысь Мер палаталэн ёзчиез Степан Чирков Россилэн азьмуртэныз Владимир Путинэн пумиськонэ пыриськиз. Со сярысь элькунысь физкультурая, спортъя но егитъёсын ужан политикая министерстволэн пресс-службаез ивортэ.

Мон тау карисько Россиысь студентъёслэн отрядъёссылы луонлыкъёс но инвисъёс понна, кудъёсыз студентъёслэн отрядъёссылэн ёзчиосыз, командиръёсыз, комиссаръёсыз азьын усьтӥсько. РСО огазеяськонэ котькуд пыриськись азьын туж бадӟым луонлыкъёс усьтэ, мон шумпотӥсько со адямиос пӧлын луэмелы
Степан Чирков, Удмуртиысь студентъёслэн отрядъёссылэн командирез

Россилэн азьмуртэз Владимир Путин Россиысь студентъёслэн отрядъёсазы пыриськисьёсты движенилэн котырес лыдпусэныз, 60 ар тырмонэныз, ӟечкылаз но соос пуктэм ужпумъёсты котьку синмаськымон быдэсъязы шуыса пусйиз. Озьы ик ватсаз, движение котьку но «кунлы но улосвылъёслы пельпумзэ пуктылӥз» шуыса.

Тодэ вайытом, 2019-тӥ арын гужем Удмуртиысь студентъёслэн отрядъёссы Краснодаре, Якутие, Челябинске но мукет интыосы ужаны ветлӥзы. Ижкарысь Михаил Калашников нимо техникая кун университетысь студотрядъёслэн «Механ» штабзы Россиысь вылӥ дышетсконниослэн штабъёссы пӧлын устоез луиз.



Наверх
Вниз