Ижкар-19 °C
26 -тӥ тулыспал 2021 Удмуртарня
18+

Михаил Калашниковлэн вордскемез дырысен 100 ар тырмонлы сӥзем ужрадъёс ортчозы шутэтскон нуналъёсы Удмуртиын

  • 279
  • 0
Ижкар / Удмуртия
Михаил Калашниковлэн вордскемез дырысен 100 ар тырмонлы сӥзем ужрадъёс ортчозы шутэтскон нуналъёсы Удмуртиын
Туспуктэм: Руслан Нуриахметов

Вуоно арнянуналэ, 10-тӥ коньывуонэ, быдэс дуннелы тодмо ыбылӥськон тӥрлыкез кылдытӥсьлэн Михаил Тимофеевич Калашниковлэн вордскемез дырысен 100 ар тырмоз. Шутэтскон нуналъёсы Ижкарын солы сӥзем пӧртэм ужрадъёс ортчозы. Со сярысь Удмуртиысь тӧролэн но кивалтэтлэн пресс-службазы ивортэ.

9-10 шуркынмонэ «Арена» спорт огъетын нылъёс но пиос пӧлын ӝӧквыл теннисэн шудонъя огъяросси ӵошатсконъёс ортчозы. Турнир 8-тӥ шуркынмонэ кутскиз. Куинь нунал ӵоже ӵошатсконъёс арлыдъя куинь группаосын мынозы: 2002-2004-тӥ аръёсы вордскемъёс, 2005-2007 аръёс вордскемъёс, 2008-тӥ арын но со бере вордскемъёс.

10-тӥ шуркынмонэ:

- 8 час 45 минутэ Архангел Михаиллэн собораз Михаил Калашниковлэн 100 ар тырмонэзлы сӥзем сӥё-дано вӧсяськон ортчоз;

- 11 часын Михаил Калашниковлэн Ялан ӝуась тыл дорысь бюстэз доры сяськаос понозы;

- 12 часын М. Т. Калашниковлэсь нимзэ нуллӥсь музеез тупатъям бере но «Калашников. Траектория судьбы» ялан ужась экспозициез усьтозы. 3-тӥ шуркынмонэ отын «Оружие эпохи Калашникова» адӟытонэз усьтӥзы, со 2020-тӥ арысь тулыспалозь ужалоз. Отын нырысьсэ возьматэмын «ЦНИИточмаш» огазеяськонын эскерон вылысь лэсьтэм 20-лэсь уно пыӵал тӥрлыкъёс, нимысьтыз серийной модельёс: ву улын ыбылӥськон понна ПС, спецназ но ФСО понна «Вал» но «Вихрь» автоматъёс, гранатаен ыбылӥськон «Тишина» но «Канарейка» огъетъёс. Озьы ик учкисьёс Ижысь конструкторъёсын лэсьтэм пыӵал тӥрлыкен тодматскизы. Соос пӧлын ЛА капчи автомат но Геннадий Никоновлэн опытной автоматъёсыз. Со сяна, Россиысь, США-ысь, Евросоюзысь кунъёслэн армиоссылэн ожтӥрлыкъёссы возьматэмын.

- 12 часын Удмуртиысь суредан устолыкъя элькун музейын пиналъёс но егитъёс понна творчествоя «Человек - легенда. Человек – эпоха» улосвылкуспо вожвылъяськонын вормисьёсты пусъёзы; отын ик 14 часын нылпи суредъя «Калашников в судьбе моей страны» вожвылъяськонын вормисьёсты сӥлы карозы;

- 14 часын Удмуртиысь П. И. Чайковский нимо операя но балетъя театрын «Вечер-портрет «Война и Мир Михаила Калашникова» нимо сӥё-дано ужрад ортчоз.

10-тӥ шуркынмонэ Глазкарысь «Глазов Арена» йӧ дворецын егитъёслэн хоккеен шудонъя йӧскалык лигазылэн первенствоез – огъяросси ӵошатсконъёс азьланьтӥськозы. Турнир 8-тӥ шуркынмонэ кутскиз.

Ватсалом, 11-12 шуркынмонэ «Глазов Аренаын» пинал хоккеистъёслэн Михаил Калашников нимо турнирзылэн йылпумъян люкетэз ортчоз. Йӧ вылэ 2001-2002 аръёсы вордскем (17-18 аресъем) пиос потозы – Удмуртилэн пӧртэм каръёсысьтыз но ёросъёсысьтыз 9 командаос. 

Тодэ вайытом, Ижкарысь М. Т. Калашников нимо скверын Удмуртиысь пыӵал тӥрлык лэсьтӥсьёслы синпелет усьтӥзы



Наверх
Вниз