Ижкар-14 °C
15 -тӥ толсур 2019 Воскресенье
16+

120 пересьёсты нимысьтыз транспортэн эмъяськонние нуллӥзы ни Удмуртиысь Ува ёросын

  • 585
  • 0
Ува / Удмуртия
120 пересьёсты нимысьтыз транспортэн эмъяськонние нуллӥзы ни Удмуртиысь Ува ёросын
Туспуктэм: Ува ёросысь калыклы мерлыко юрттэт сётонъя центр

Ува ёросын 120 пересьёс калыклы мерлыко юрттэт сётонъя центъёслы висъям нимысьтыз машинаосын эмъюртэ диспансеризацие ветлӥзы ни. Со сярысь муниципал кылдытэтлэн тӧроез Владимир Головин «ВКонтакте» мерлыко вотэсысь бамаз ивортӥз.

Ува ёросын мобильной бригада 30-тӥ гудырикошконэ ужаны кутскиз. Туннэ нуналлы 21 рейс лэсьтэмын ни
Владимир Головин, Ува ёрослэн тӧроез

Эмъюртэ нимысьтыз машинаен ветлыны мылкыд карись мӧйыос калыклы мерлыко юрттэт сётонъя центре яке улон интызыя медпунктэ вазиськыны кулэ. Адями диспансеризациез ортчыны кулэ луисьёслэн лыдметазы вань ке, сое нуон-ваён радлыке пыртозы.

Тодэ вайытом, пересьёсты эмъюртэ нуллыны нимысьтыз машинаосты Удмуртиысь вань ёросъёслы сётӥзы ни. Соос гуртъёсын улӥсь 65 ареслэсь мӧйы муртъёсты диспансеризацие яке ватсаса эскеронъёс ортчыны нуллон понна чакламын. Нимысьтыз транспортэз федерал коньдэтысь уксёен «Старшее поколение» ӵектос улсын басьтӥзы. Со Россилэн азьмуртэныз Владимир Путинэн кичӧлтэм «Демография» йӧскалык ӵектосэ пыре.

Наши партнеры

Наверх
Вниз