Ижкар+22 °C
8 -тӥ гудырикошкон 2020 Кӧснунал
16+

Удмурт кылын онлайн-изложение гожтыны ӵекто Удмуртиын улӥсьёслы

  • 627
  • 0
Ижкар / Удмуртия
Удмурт кылын онлайн-изложение гожтыны ӵекто Удмуртиын улӥсьёслы
Туспуктэм: Алексей Арзамасцев

28-тӥ шуркынмонысен 8-тӥ толсурозь мылкыд карисьёс «Гожъяськиськом удмурт кылын» акцие пыриськыны но онлайн-изложение гожтыны быгато. Радъясьёслэн верамзыя, ужрад Удмурт кыллэн нуналэзлы сӥземын.

Ужрад удмурт кылэз дышетыны мылкыдэз ӝутон вылысь радъяське. Пыриськисьёс анай кылынызы малпанъёссэс вераны быгатэмзэс эскерозы.

Изложениез гожтыны луоз чӧлсконпусъя потыса. Нырысь ик нимтулэз пусъёно, собере куараен гожтэм текстэз кылзыны луоз. Радъясьёс Николай Байтеряковлэсь гожтоссэ бырйизы.

Нырысетӥ люкетэз луоз вступление кадь, отын текстэз лыдӟозы. Собере вить минут вис, сэре кыкетӥ ползэ кутске лыдӟыны сое ик
Вячеслав Карпушин, «Гожъяськиськом удмурт кылын» ужрадэз огез радъясь

Гожтэм ужъёсты Кузебай Герд нимо йӧскалык гимназиысь дышетӥсьёс эскерозы. Йылпумъянъёсты 18-тӥ толсуре ужрадлэн сайтысьтыз яке «ВКонтакте» мерлыко вотэсысь огинысьтыз учкыны луоз. Изложениез тужгес умой гожтэм 50 адямилы кузьымъёс чакламын.

Ужрад Ижкарлэн администрациез, «Мегаполис» клубъёслэн центрзы, Кузебай Герд нимо йӧскалык гимназия юрттэмен ортчытӥське. 

Тодэ вайытом, 27-тӥ шуркынмонэ Ижкарысь гурт возёсъя кун академиын удмурт кылэн тодматон урок ортчиз

Удмурт кылэн тодматон урок Ижысь гурт возёсъя академиын




Наверх
Вниз