Ижкар+17 °C
18 -тӥ куарусён 2020 Удмуртарня
18+

Тол Бабай Выль арлы сӥзем марка вылэ пус пуктӥз Ижкарын

  • 575
  • 0
Ижкар / Удмуртия
Тол Бабай Выль арлы сӥзем марка вылэ пус пуктӥз Ижкарын
Туспуктэм: «Почта России» предприятилэн улосвыл ёзэтэзлэн пресс-службаез

5-тӥ толсуре Тол Бабай но Лымы ныл Ижкарысь валтӥсь почта ёзэтэ Выль арлы сӥзем марка вылэ пус пуктыны вуылӥзы. Со сярысь «Почта России» предприятилэн улосвыл ёзэтэзлэн пресс-службаез ивортэ.

Выль арлы сӥзем марка вылэ пус пуктон

5 фото

Выль арлы сӥзем почта маркаез суредъёсъя огъяросси конкурсын вормисьлэн эскизэзъя поттӥзы. Со вылэ арганэн шудӥсь пелё изьыен лымыпогез суредазы. Озьы ик марка вылын ӟуч но удмурт кылын «Выль арен!» гожтэмын. Марка вылэ пус пуктонэз Ижкарын улӥсьёс, дышетскисьёс учкизы. Нылпиос понна Ижкарысь почтамтысь клиентъёслы залын «Новогодняя открытка» адӟытонъя экскурсия ортчытӥзы. Отын Россиын но кунгож сьӧрын Выль арлы поттэм вашкала но туала открыткаос возьматэмын. Со сяна, дышетскисьёс Дед Морозлы но Тол Бабайлы гожтэтъёс гожтӥзы но тол пӧртмасьёс понна нимысьтыз ящике куштӥзы.

Выль ар шулдыръяськонъёс пумозь Ижкарысь главпочтамтын (Киров нимо урам, 116) ӵыжы-выжыослы яке матысь адямиослы гожтэт яке открытка вылэ Выль арлы сӥзем марка вылэ пус пуктыны дасям нимысьтыз штемпелен пус пуктыны луэ. Солы чаклам укноез нимысьтыз гожтэмен пусъёзы.

Выль арлы сӥзем марка уже кутӥське ини. Солэн тиражез – 234 сюрс экземпляр

Тодэ вайытом, 27-тӥ толсуре Тол Бабай но Дед Мороз Ижкарысь валтӥсь кызэз ӝуатозы



Наверх
Вниз