Ижкар-1 °C
29 -тӥ коньывуон 2020 Покчиарня
18+

Быдӟым Атыкай ож вакытысь вуэм гожтэтысь огез нылкышно сярысь тодмо луиз Пичи Пургаын

  • 449
  • 0
Пичи Пурга / Удмуртия
Быдӟым Атыкай ож вакытысь вуэм гожтэтысь огез нылкышно сярысь тодмо луиз Пичи Пургаын
Туспуктэм: vk.com (Малопургинский краеведческий музей)

Пичи Пургаын Быдӟым Атыкай ож вакытысь снарядысь шедьтэм гожтэтын пусъем нимъёсъя нылкышноосты утчан ужзы интыысьтыз вырӟиз - одӥгезлэсь ӵыжы-выжызэ шедьтӥзы кадь. Со сярысь ивортодэтъя «Удмуртия» агентстволэн корреспондентэзлы Пичи Пурга ёросысь шаертодонъя музейлэн кивалтӥсез Алевтина Данилова вераз.

Музейын ужасьёс ёросысь ветеранъёслэн огазеяськонзы юрттэмен Покчи Бӧдья гуртысь Нина Погорелова вылэ потӥзы. Кышномуртлэн кылъёсызъя, гожтэтысь Вера Погорелова - со атайзылэн (свёкрезлэн) сузэрез. Озьы ик Ижкарын Валентина сузэрзы вань на шуыса вераз, ӵапак соин герӟаськыса, тросгес ивор тодыны луиз.

Со шуиз, Агрызын улэ вал со Погорелова Вера. Кытысь ке но Рязаньысь лыктэмын кадь. Созэ со ӧз быгаты вераны. Агрызысь сое мобилизоватьтэмын Пугачёвое. Озьы шуиз со. Пугачёвоын, пе, снаряд лэсьто вал. Война бере олоку ини со кошкем Краснодар шаере. Быземын ноку но ӧвӧл
Алевтина Данилова, Пичи Пурга ёросысь шаертодонъя музеен кивалтӥсь

Алевтина Даниловалэн верамезъя, нырысь-валысь чакламъя, ваньмыз тупа. Озьы ик Ижкарын улӥсь кышномурт ивортӥз, Вера Погорелова 1916-тӥ арын вордӥськемын шуыса. Та дырозь со но тодмо ӧй вал. Али тодэм иворез эскерон ужъёс мыно, шонер-а со, ӧвӧл-а чаклало.

Тодэ вайытом, гильза пушкысь гожтэтэз туэ куартолэзе Ленинград улосвылын ужам поисковикъёс  шедьтӥзы. Гильза бордын 67 номер гожтэмын вал, нош со Пугачёвоысь базалэн номерез, соин утчан ужъёс Удмуртие, Пичи Пурга ёросэ выжизы. Погорелова Вера сяна, гожтэтын эшшо 9 нылкышноослэн нимъёссы на. Быдӟым Атыкай ож вакытэ снарядъёс лэсьтон бордын ужам нылкышноос сярысь ивор утчан ужъёс азьланьтӥсько.



Наверх
Вниз