Ижкар+6 °C
24 -тӥ куарусён 2020 Покчиарня
18+

Россиысь пӧртэм улосвылъёсын улӥсь удмуртъёслэн форумзы ортчоз Удмуртиын

  • 401
  • 0
Ижкар / Удмуртия
Россиысь пӧртэм улосвылъёсын улӥсь удмуртъёслэн форумзы ортчоз Удмуртиын
Туспуктэм: Майя Бывальцева

20-21 толсуре Удмуртиын Россиысь пӧртэм улосвылъёсын огазьын улӥсь удмуртъёслэн «Удмурт диаспора: туннэ югдурзы, шугъяськонъёссы но соосты сэрттон-пертчон амалъёс» форумзы ортчоз. Со сярысь Ижкарысь Калыкъёслэн эшъяськон юртсылэн пресс-службаез ивортэ.

20-тӥ толсуре Ижкар вӧзысь «Берёзка» нылпи лагерьын пӧртэм площадкаос ужалозы:

  • Дышетон – удмурт кылэз утён ужпумъёс;
  • Лулчеберет – улосвылъёсын, кытын удмуртъёс уло, йӧскалык лулчеберетэз азинтон понна луонлыкъёс кылдытон, Удмуртиысь валтӥсь ӧнерчиослэсь фольклор коллективъёс понна мастер-классъёс;
  • Удмурт егитъёс – егитъёслэн ӵектосъёссылы саклык висъялозы, улосвылъёсысь ыстэм муртъёс егитъёсын ужан амалъёссы сярысь вералозы;
  • Этнополитика – форумлэн тужгес бадӟымаз площадкаяз Россиысь улосвылъёсын тӧрлык ёзэсъёслэсь но удмуртъёслэн мер огазеяськонъёссылэсь валче ужзэс радъян сярысь кенешозы, озьы ик улосвылъёссэс кусыпъёссэс азинтон ужпумез ӝутозы.

21-тӥ толсуре форум Ижкарысь Калыкъёслэн эшъяськон юртазы выжоз. Отын удмуртъёслэн вашкала гуръёссыя «Чакара» X огъяросси фольклор фестиваль ортчоз.

Сцена вылэ элькунысьтымы но мукет улосвылъёсысь удмуртъёслэн фольклор коллективъёсы потозы. Соос кырӟанъя, крезьгуръя, эктонъя вашкала сямъёсты возьматозы. 

Удмуртъёслэсь фольклоръя творчествозэс утён но вӧлмытон вылысь «Чакара» фольклор фестиваль 2010-тӥ арысен «Камсьӧр удмуртъёслэн йӧскалык центрзы» огазеяськон кичӧлтэмъя радъяське. Нырысетӥ вить аръёссэ со Удмуртиын ортчылӥз, нош 2015-тӥ арысен - пӧртэм улосвылъёсын. Кылем арын коллективъёс Киров улосвылысь Вятские Поляны каре люкаськылӥзы, 2017-тӥ арын Татарстанысь Кукмор карын пумиськылӥзы.


Наверх
Вниз