Ижкар-9 °C
24 -тӥ толшор 2020 Удмуртарня
16+

Рельсаос вылтӥ автобусъёс ветлыны кутскозы Ижкарысь Балезиное 2020-тӥ арын

  • 511
  • 0
Ижкар / Удмуртия
Рельсаос вылтӥ автобусъёс ветлыны кутскозы Ижкарысь Балезиное 2020-тӥ арын
Туспуктэм: Григорий Фомин

2020-тӥ арын 1-тӥ толшорысен Ижкар – Балезино – Ижкар маршрутъя рельса выльтӥ ветлӥсь РА-3 автобусъёсты эскерон вылысь лэзёзы. Со сярысь «Содружество» огазеяськонлэн пресс-службаез ивортэ.

Рельсаос вылтӥ ветлӥсь автобуслэн кык вагоназ 150 пукон интыез. Троссэ 195 адями басьтыны быгатэ. Пушкыз пӧртэм буёло туала материалъёслэсь лэсьтэмын

Рельса вылтӥ ветлӥсь транспорт вӧл-вӧл, техникая устогес но шырыт луэменыз висъяське. Автобусын кышкыттэмлыкъя сӧзнэт пуктэмын, салонын но машинистлэн кабинаяз шуныт-кезьытэз чаклась но омырез чылкытатӥсь сӧзнэтэз вань. Озьы ик санузелъёс лэсьтэмын, вагонъёс ӧжыт быгатонлыкъем муртъёслы тупатэмын.

Рельса автобусъёслэн ветлон радлыксы сярысь ватсаса ивортодэт 8 (937) 625-04-33 (уен-нуналэн) но огазеяськонлэн сайтысьтыз, озьы ик «Пригород» мобильной ватсэтын тодыны луоз.

Тодэ вайытом, 2020-тӥ арын 3-тӥ толшорысен Ижкар – Эгра – Ижкар поездъёс ветлыны кутскозы

Наши партнеры

Наверх
Вниз