Ижкар+20 °C
8 -тӥ гудырикошкон 2020 Кӧснунал
16+

Пенсиос йылозы 2020-тӥ арын Удмуртиын

  • 515
  • 0
Ижкар / Удмуртия
Пенсиос йылозы 2020-тӥ арын Удмуртиын
Туспуктэм: Алексей Арзамасцев

2020-тӥ арын 1-тӥ толшорысен Удмуртиын улӥсьёслэн пенсиоссы будозы. Со сярысь Россиысь Пенси фондлэн элькунъя ёзэтэзлэн пресс-службаез ивортэ. 

2020-тӥ арын 1-тӥ толшорысен страховой пенсиос 6,6 процентлы йылозы. Пенси коэффициентлэн дуныз выль арын 93 манет луоз, юнматэм тыриськонлэн быдӟалаез – толэзяз 5 сюрс 686 манет 20 коньы
Россиысь Пенси фондлэн элькунъя ёзэтэзлэн пресс-службаез

Коньдон ватсэтлэсь быдӟалазэ страховой пенсилэсь быдӟалазэ (мер тыриськонъёсты лыдэ басьтытэк) 1,066-лы уноятыса (умножить)  лыдъяны луэ. Кылсярысь, арлы вуэмъя страховой пенсилэн быдӟалаез 14 сюрс 200 манет. Сое 1,066-лы уноятӥськом но пенсилэсь выль быдӟалазэ поттӥськом – 15 сюрс 137 манет но 20 коньы. Озьыен, пенси  937 манет 20 коньылы йылӥз

Ужась пенсионеръёс, азьло сямен ик, толшоре страховой пенсизэс индексацитэк басьтозы. Ужысь кошкемзы бере вуоно толэзьысен гинэ пенсизэс со вакытлы тупась быдӟалая но вань ортчем индексациосты лыдэ басьтыса тырозы.

Кун пенсиос, со пӧлын мер тыриськонъёс, вуоно арын 1-тӥ оштолэзьысен будозы. Нош 1-тӥ тулыспалысен федерал капчиятонъёс басьтӥсьёслы толэзьлы быдэ тыриськонъёс йылозы: Быдӟым Атыкай оже пыриськемъёслы, ожысь ветеранъёслы, котыртэм Ленинградын улэмъёслы, бырыны сюрем ожгарчиослэн семьяоссылы, радиаци улэ шедемъёслы, вань группаосысь сӧсыръёслы, со пӧлын сӧсыр нылпиослы.

Тодэ, вайытом, праздник нуналъёсы Удмуртиын пенсиосты сётъян нуналъёс воштӥськозы


Наверх
Вниз