Ижкар-9 °C
24 -тӥ толшор 2020 Удмуртарня
16+

100 сюрслэсь трос адями вуылӥз Выль ар шулдыръяськонъёсы Ижкарысь Шор площаде

  • 207
  • 0
Ижкар / Удмуртия
100 сюрслэсь трос адями вуылӥз Выль ар шулдыръяськонъёсы Ижкарысь Шор площаде
Туспуктэм: Удмуртиысь тӧролэн но кивалтэтлэн пресс-службазы

Ижкарысь Шор площадьын Выль ар шулдыръяськонъёсы 100 сюрслэсь трос адями вуылӥз. Со сярысь «Мечты - это про100» Выль ар фестивалез радъясьёс иворто.

Удмуртилэн шоркараз Выл ар ужрадъёс 12 нунал мынӥзы. 37 сюрс адями 2020-тӥ арез Шор площадьын пумитаз

Удмуртилэн кунлыкезлы 100 тырмонлы сӥзем фестиваль улсын калыкез «Пицца» но «Шляпники» группаос, Брангуртысь песянайёс, Богдан Анфиногенов шулдыртӥзы, мылкыд карисьёсын «Достучаться до небес» флешмоб ортчытӥзы, трос пӧртэм кузьымъёс кузьмазы, селфиос лэсьтӥзы, эктӥзы.

Фестивальлэн берпуметӥ нуналаз калыкез «Эктоника» шулдыртӥз, инбамын фейерверк пуштылӥз но пиротехнической шоу возьматӥзы

Фестиваль улсын узыр программазэ Кузебай Герд нимо йӧскалык музей дасяз. «Новогодняя и100рия» акци улсын арсеналэ лыктэмъёс адӟытон залъёсты ортчизы, мастер-классъёсы пыриськизы, «В гостях у Удмуртии» интерактивной экскурсиен тодматскизы. Программазэс Удмуртиысь дано артисткалэн, скрипкаен шудӥсь Ксения Благовичлэн Ымусьтон концертэз йылпумъяз.

Михаил Архангеллэн черк дораз Кылчинъёслэн но архангелъёслэн йӧ фестивальзы усьтӥськиз. Йӧвылэсултон нуналозь кунысьтымы пӧртэм улосвылъёсысь суредасьёс но скульпторъёс йӧлэсь синпелетъёс кылдытозы.

Олимпи резервъя спортшколалэн тираз пневматической пыӵалысь ыбылӥськонъя Россилэн чемпионатэз но пичи калибръем пыӵалысь ыбылӥськонъя огъяросси ӵошатсконъёс кутскизы. Соос 14-тӥ толшоре йылпумъяськозы. 

Тодэ вайытом, «Мечты - это про100» фестивальлы кутскон 27-тӥ толсуре Выль ар кызэз ӝуатонэн сётӥзы. 

Наши партнеры

Наверх
Вниз