Ижкар-9 °C
24 -тӥ толшор 2020 Удмуртарня
16+

221 нылпиос вордскизы 2020-тӥ ар кутсконысен Удмуртиын

  • 421
  • 0
Ижкар / Удмуртия
221 нылпиос вордскизы 2020-тӥ ар кутсконысен Удмуртиын
Туспуктэм: Руслан Нуриахметов

2020-тӥ ар кутсконысен Удмуртиын 221 нылпиос вордскизы. Со сярысь 9-тӥ толшоре журналистъёслы элькунысь тазалыкез утёнъя министерствоысь акушерствоя но гинекологияя внештатной ӧнерчи Елена Сахабутдинова вераз.

Вуэм 2020-тӥ ар кутсконысен Удмурт Элькунын 221 нылпи вордскиз. Со пӧлысь 108-эз пиос, 113-ез – нылъёс
Елена Сахабутдинова, Удмуртиысь тазалыкез утёнъя министерствоысь акушерствоя но гинекологияя внештатной ӧнерчи

Таяз арын нырысетӥосыз вордскемъёс кыктоос луизы. 1 номеро элькун эмъюртлэн перинатальной центраз Ижкарысь нылкышно кык пияшъёсты вордӥз: одӥгез 3 час 16 минутэ вордскиз, кыкетӥез – 3 час 17 минутэ.

Отын ик Глазкарысь нылкышнолэн пиез но нылыз вордскизы. Куинетӥ кыктоос Ижкарысь 2 номеро нылпи ваён юртын югыт дуннее лыктӥзы.

Таяз арын вань пиналъёс умой вордскизы, та дыр ӵоже нуныослэн но анайёссылэн тазалыксы ласянь нокыӵе шугъяськонъёс ӧй вал
Елена Сахабутдинова, Удмуртиысь тазалыкез утёнъя министерствоысь акушерствоя но гинекологияя внештатной ӧнерчи

Тодэ вайытом, 2019-тӥ арын та дыр ӵоже ик Удмуртиын 224 пиналъёс вордскизы. Елена Сахабутдиновалэн верамезъя, Росси азьмуртэн Владимир Путинэн кичӧлтэм «Демография» йӧскалык ӵектос улсын улонэ пыӵатӥськись ӵектосъёслы луыса вордскемъёслэн лыдзы огсыр возиське. 

Наши партнеры

Наверх
Вниз