Ижкар-9 °C
24 -тӥ толшор 2020 Удмуртарня
16+

Лымылэсь скульптураос кылдытӥз дворник-суредась Семён Бухарин Удмуртиысь Дэри ёросын

  • 203
  • 0
Ижевск / Удмуртия
Лымылэсь скульптураос кылдытӥз дворник-суредась Семён Бухарин Удмуртиысь Дэри ёросын
Туспуктэм: Руслан Нуриахметов

Дэри ёросысь Италмас черкогуртысь элькун лицей-интернатлэн азбараз тундралэн люкетэз кылдӥз. Отын улӥсьёсын но соосты лэсьтӥсь Семён Бухаринэн ивортодэтъя «Удмуртия» агентстволэн корреспондентэз тодматскиз.

Дворник-суредась Семён Бухарин лымылэсь скульптураос кылдытӥз


Ас вакытаз дасо аръёс пала Семён Бухарин Россилэн уйпалаз - Воркутаын - ужаз. Озьы Удмуртиын тундралэсь люкетсэ кылдытыны малпаз.

Малпай таӵе лэсьтыны, адӟытыны пиналъёслы, кинъёс отын уло, кыӵе калыкъёс уло
Семён Бухарин, дворник-суредась

Италмасысь лицей-интернатлэн азбараз пужей, чукчаос, яранга кылдӥзы. Собере артэ гондырлэсь но та арлэсь тодметсэ – шырез – лэсьтыны малпазы на. Дышетскисьёсын ӵош Семён Бухарин 2-3 нунал ужаз.

Мон шуисько эн марым каре, эн тӥялэ. Соос ми возьмалом шуо, ум пе сётэ тӥялляны, туж интересноесь пичиос. Таӵе пичиос, 4-тӥ, 5-тӥ классын дышетскисьёс, асьсэос ик лымы но сузяны туртто, ваё, дото интересноесь
Семён Бухарин, дворник-суредась

Лымылэсь скульптураос

7 фото

Семён Бухаринлэсь нимзэ Удмуртиын гинэ ӧвӧл, палэнын но тодо ини. Нырысь ик со Ижкарысь школаын дворникын ужакуз отысь азбарын лымы вылын суредъёс кылдытъяз. Собере Италмасэ суреданъя кружок нуыны басьтӥзы, ваньмон дыръяз азбарез утялтэ на. Озьы творчестволэн выль ӧрез борды басьтӥськиз.

Тани кытын суредаськиськод, лымы люкъёс да мар луо. Малпасько, марлы бен уд лэсьты лымы люкъёслэсь кыӵе ке но фигурка шуод-а, мар-а - Тол Бабаез яке кыӵе ке но животноез
Семён Бухарин, дворник-суредась

Тодэ вайытом, азьвылгес тодмо суредась лымы вылын МЧС-лы ӟечкылан суредаз. 2019-тӥ арын Выль ар каникулъёс дыръя Иж тымет дурын кӧня ке суредъёс кылдытӥз. 

Кызьы кылдылӥзы Ижкарын лымы вылын суредъёс


Наши партнеры

Наверх
Вниз