100 лет государственности Удмуртии
Ижкар+8 °C
3 -тӥ инвожо 2020 Вирнунал
16+

Школаосысь сиськонниосты выльдыны 100 миллион манет пала висъялозы Удмуртиын

  • 572
  • 0
Ижкар / Удмуртия
Школаосысь сиськонниосты выльдыны 100 миллион манет пала висъялозы Удмуртиын

Удмуртиын школаосысь сиськонниосты выльдыны 100 миллион манет пала коньдон висъялозы. Со сярысь «Удмуртия» кун телерадиокомпанилэн (16+) меӵак эфираз элькунлэн тӧроез Александр Бречалов вераз.

Нырысетӥез – сиськонниос куронъёслы тупаны кулэ. Школаосысь столовойёсты асьмелы выльдыны 100 миллион манет пала кулэ. Куд-огез сиськонниос мукет юртъёсы интыяськемын, ми тодӥськомы, кызьы со ужпумез сэрттыны-пертчыны
Александр Бречалов, Удмуртилэн тӧроез

Озьы ик солэн верамезъя, сиёнлэсь ӟечлыксэ будэтыны кулэ.

Мон оскисько, 2020-тӥ но 2021-тӥ аръёс ӵоже ми пиналъёслы юрттонъя выль сӧзнэтэ пыромы, со пӧлын школаын сюдон ласянь но
Александр Бречалов, Удмуртилэн тӧроез

Со школаосын, кытын сиськонниос мукет юртын, пристрой пуктозы. Со сяна, дышетскисьёсын тырмымтэ школаосын интыосты паськытатыны быгатозы.

Пиналъёсты сюдон радлыкез умоятон понна элькунысь котькуд школаын югдурез нимаз эскерозы но сэрттозы-пертчозы

Тодэ вайытом, Россилэн азьмуртэз Владимир Путин 15-тӥ толшоре Федерал Собранилы вазиськоназ 1-4 классъёсын дышетскись вань пиналъёсты дунтэк пӧсь сиёнэн сюдыны ӵектӥз.

Вазиськонын пиналъёслы юрттэт сётон понна Росси коньдэтысьтыз шӧдскымон юрттэт сярысь но вераськон мынӥз – ӝыны триллион манет пала. Мон малпасько, Россилэн коньдэтысьтыз улосвыллы шӧдскымон юрттэт вуоз
Александр Бречалов, Удмуртилэн тӧроез

Тодэ вайытом, азьвылгес Александр Бречалов Дэри, Вавож, Пичи Пурга ёросъёсын но Сьӧлтаын выль школаос пуктон сярысь вераз вал. 



Наверх
Вниз