Ижкар+1 °C
26 -тӥ тулыспал 2020 Вирнунал
16+

«Гурт ипотека» программа ужаны кутскиз Удмуртиын

  • 852
  • 0
Ижкар / Удмуртия
«Гурт ипотека» программа ужаны кутскиз Удмуртиын

Удмуртиын «Гурт интывылъёсты азинтон» («Комплексное развитие сельских территорий») кун программа улсын капчиятэм ипотека кредит басьтыны куриськонъёсты кутыны кутскизы. Элькунысь гурт возёсъя но сиён-юонъя министерствоын кенешонын со сярысь уполномоченной банклэн – «Россельхозбанклэн» улосвыл ёзэтэзлэн кивалтӥсез Александр Чураков вераз, ивортэ удысэтлэн пресс-службаез.

Россиысь гурт возёсъя министерствоен тупанкылэз юнматон вуоно арняе ортчоз, ми соку ик калыклы кредитъёс сётъяны кутскомы. Мылкыд карисьёслэсь куриськонъёссэс кутыны но коньдон басьтыны луонлыксыя нырысь-валысь пумкылъян кутыны ми туннэ ик быгатӥськомы ни
Александр Чураков, «Россельхозбанклэн» улосвыл ёзэтэзлэн кивалтӥсез

Программалэн куронъёсызлы элькунысь вань гурт ёросъёс тупало. Александр Чураковлэн верамезъя, кун юрттэтэн гурт ипотека басьтыны озьы ик быгато гуртын улыны но ужаны малпась карын улӥсьёс но. Со Росси кивалтэтлэн пуктэтаз пусъемын.

Программа интывылэн герӟамын ӧвӧл, озьыен банк мукет улосвылъёсысь гуртъёсын но корка басьтыны кредит сётыны дась луоз

Со сяна, банк гуртын улӥсьёслы юртъер котырзэс умоятыны 5 процентъем потребительской кредит сётъялоз. Со коньдонэн электротыл, чагыр эстӥськон пыртыны, ву гумыос лэсьтыны но мукет со выллем ужъёсты быдэстыны луоз.

23 аресысен мылкыд карисьёс троссэ 250 сюр манет 5 арлы басьтыны быгатозы. Пунэмаськонэз адями 65 аресозяз берыктыны мед быгатоз. Одӥгез валтӥсь курон – адямилэн ялан регистрациез гуртын луыны кулэ. 

Наши партнеры

Наверх
Вниз