Ижкар-3 °C
24 -тӥ тулыспал 2020 Вордӥськон
16+

Ижкарын Вормон парадэ пыриськисьёс синпельлы медальёс басьтозы

  • 632
  • 0
Ижкар / Удмуртия
Ижкарын Вормон парадэ пыриськисьёс синпельлы медальёс басьтозы
Туспуктэм: Руслан Нуриахметов

Ижкарын Вормон парадэ пыриськисьёс синпельлы медальёс басьтыны быгатозы. Со сярысь Быдӟым Атыкай ожын Вормон нуналлы 75 ар тырмонэз пусъёнэз радъясь комитетлэн кенешоназ Удмуртиысь кивалтэтлэн тӧроез Ярослав Семёнов вераз.

Ми парадэ пыриськисьёслы медальёс сярысь вераськомы. Али валамы, кылем парадэ пыриськемъёслэн лыдзыя чаклам 2 сюрс пала медаль тырмыт уз луы шуыса. Малы ке шуоно тунсыкъяськон туж бадӟым, милям кадетъёслэн движенизы туж паськыт
Ярослав Семёнов, Удмуртиысь кивалтэтлэн тӧроез

Ваньмызлы ужрадэ пыриськисьёслы медальёс мед тырмозы шуыса, лыдзэ будэтыны малпало.

Удмуртиысь промышленностья но вузкаронъя министр Виктор Лашкарёв верамъя, туэ 9-тӥ куартолэзе парадэ тямыс предприятиос пыриськозы, соос асьсэ продукцизэс но ретроавтомобильёссэс возьматозы.

Вормон парадлэсь сценарийзэ али ик дасяло ни. Чакланъёсъя туэ трос выльдӥськонъёс луозы, но али соосты уг шараяло на. Та дырлы парадын 39 парад расчётъёс луозы шуыса тодмо, 10-эз кужымо ёзэсъёслэн, 25-ез дышетсконниослэн но ньылез ветеранъёслэн. Куд-ог дышетон юртъёсын пиналъёсын дышетонъёс радъязы ни. Таяз арын нырысьсэ интыосысь ожъёсысь ветеранъёслэн колонназы парадной дӥськутэн потоз.

Вормон нуналэз пусъён ужрадъёслы 3 миллион 700 сюрс манет чакламын

Тодэ вайытом, кылем арын Ижкарысь Шор площадьын Вормон парадэ 2 сюрс пала адями но 50 техника пыриськиз

Наши партнеры

Наверх
Вниз