Ижкар+11 °C
28 -тӥ куарусён 2020 Вордӥськон
18+

«Правнуки победителей» вожвылъяськонэ пыриськыны ӧтё Удмуртиысь пиналъёсты но студентъёсты

  • 640
  • 0
Ижкар / Удмуртия
«Правнуки победителей» вожвылъяськонэ пыриськыны ӧтё Удмуртиысь пиналъёсты но студентъёсты
Туспуктэм: Алексей Арзамасцев

«Бессмертный полк России» движение эскерон ужъёсъя «Правнуки Победителей – 2020» вожвылъяськон ялӥз. Отчы Россиысь но кунгож сьӧрысь 11-18 аресъем пиналъёс пыриськыны быгато. Со сярысь конкурслэн сайтаз ивортэмын.

Вожвылъяськон Быдӟым Атыкай оже пыриськемъёс сярысь тодэ ваёнъёсты утён, архивысь ужкагазъёсын ужаны быгатонлыкъёсты будэтон вылысь радъяське.

Радъясьёслэн верамзыя, конкурс улсын пиналъёс семьязылэсь историзэ умойгес тодыны, архивъёсын ужаны дышетскыны, озьы ик Быдӟым Атыкай ожез ортчем ӵыжы-выжыоссылэн ӵош ожмаськем эшъёссылэн выжыосынызы тодматскыны быгатозы.

15-тӥ южтолэзёзь пыриськисьёс ветеранлэсь ужан яке ожмаськон сюрессэ эскерыны но сочинение гожтыны кулэ. Со понна Россиысь обороная министерстволэн усьтэм архивъёсыныз, ож вакытысь газет-журналъёсты, семьяын утиськем гожтэтъёсты, ужкагазъёсты, туспуктэмъёсты эскероно луозы.

Вормисьёс 9-тӥ куартолэзе Москваын Быронтэм полкын ортчыны быгатозы

Рос-просгес ивортодэтэз но куронъёсты вожвылъяськонлэн сайтысьтыз учкыны луэ.

Пусъём, кылем арын конкурсэ Россиысь 10 сюрс пала пиналъёс пыриськизы.

Тодэ вайытом, озьы ик Удмуртиын улӥсьёс Поволжьеысь финн-угор калыкъёслэн лулчеберетъёссыя центрзылэн Быдӟым Атыкай ожын вормонлы 75 ар тырмонлы сӥзем финн-угор кылъёсын «Война на всех одна» акцияз пыриськыны быгато. 



Наверх
Вниз