Ижкарын удмурт стендап клубын юмок веранъёсты тулыспалысен вотэсэ поттыны кутскозы

  • 740
  • 0
Ижкар / Удмуртия
Ижкарын удмурт стендап клубын юмок веранъёсты тулыспалысен вотэсэ поттыны кутскозы
Туспуктэм: vk.com (Udmurt Stand Up)

Ижкарын удмурт Stand Up (стендап) клубын юмок веранъёсты тулыспалысен вотэсэ поттыны кутскозы.  Со сярысь ивортодэтъя «Удмуртия» агентстволэн корреспондентэзлы радъясез Александр Бикузин вераз.

Вуоноез пумиськон 11-тӥ тулыспалэ Ижкарысь туала драматургияя но режиссурая центрын ортчоз. Ужрадэ 10 пала юмок верасьёс пыриськозы. 

Эрико темаосты сцена вылысен ӝутон, соосты серем карон, темаез сётон амал - туннэ удмурт эстрадаын, интернетын чылкак выль со жанр. Соин кышкан вал, интернетэ потӥз ке сыӵе видео, тросэз уз валалэ пуштроссэ шуыса. Но али дыр вуиз ни калленэн калыке потыны, соин 11-тӥ числое вань выступлениосты снимать каром, нимысьтыз видеороликъёс лэсьтом
Александр Бикузин, ужрадэз радъясь

Солэн верамезъя, туннэ нуналлы серекъятӥсь жанр удмурт эстрадаын туж ляб, соин ик сое туж лыдэ уг басьто. Удмурт стендапез радъясьёс со югдурез воштыны ужпум пукто.

Урод сямъёсты, кивалтӥсьтэ, улонысь учыръёстэ, адямиосты, ачид астэ серекъяны быгатон - со-а ӟеч ӧвӧл
Александр Бикузин, ужрадэз радъясь

Тлдэ вайытом, «Удмурт стендап» ӵектосэз «Куара» огазеяськон улонэ пыӵатэ. Серекъятӥсьёслэн нырысетӥез пумиськонзы кылем арын сӥзьыл ортчиз вал. 

Наши партнеры

Наверх
Вниз