Ижкар+16 °C
4 -тӥ пӧсьтолэзь 2020 Кӧснунал
16+

Выльысь улӟытэм гуртъёслэн фестивальзылы пус кылдытонъя вожвылъяськон ялӥзы Удмуртиын

  • 1006
  • 0
Ижкар / Удмуртия
Выльысь улӟытэм гуртъёслэн фестивальзылы пус кылдытонъя вожвылъяськон ялӥзы Удмуртиын
Туспуктэм: Григорий Фомин

Удмуртиын Выльысь улӟытэм гуртъёслэн «Деревня – душа России» нырысетӥ улосвылкуспо фестивальзылы пус кылдытонъя вожвылъяськон ялӥзы. Со сярысь улосвылысь гурт возёсъя но сиён-юонъя министерстволэн пресс-службаез ивортэ.

Вожвылъяськонэ 18-50 аресъем адямиос, озьы ик быдэс коллективъёс пыриськыны быгато. Ужъёсты 30-тӥ толшорысен 2-тӥ южтолэзёзь кутозы. Йылпумъянъёс южтолэзь шорын лэсьтыны чаклало. Вормисез фестивальын пусъёзы, солы фермеръёсын поттэм сиён-юонъёс но Эгра ёросысь кибашлыосын лэсьтэм синпельёс кузьмалозы. Вожвылъяськонлэн валатэтэныз (положение) татын тодматскыны луоз. 

Фестиваль Удмуртиысь тужгес тодмо улӟытэм гуртын – Эгра ёросысь Мувырын – ортчоз

Ватсалом, Мувыр гуртлэн выль улонэз 1990-тӥ аръёс шорын фермерлы Александр Корепановлы луыса кутскиз. Со аслыз вордӥськем гуртсэ выльысь ӝутыны ужпум пуктӥз но бусы шоры аслыз корка пуктӥз. Нош туэ солэн фермер возёсаз выль ужасьёс кулэ луозы ини, гуртын йӧлэз переработать карозы, пичи цех усьтозы. Кылем арын Александр Корепанов пудо вордон фермазэ азинтыны 10 миллион манет тыр грант утӥз.

Выльысь улӟытэм гуртъёслэсь фестивальзэс ортчытыны мувыръёслэн кичӧлтонзылы Удмуртилэн тӧроез Александр Бречалов дурбасьтӥз

Нялтас вераса, Удмуртстатлэн лыдпусъёсызъя, туннэ Удмуртиын 1 сюрс 956 гуртъёс. Соос пӧлысь 146-аз одӥг улӥсез но ӧвӧл ни. Вуоно фестиваль соосты улӟытонлы но гуртын улон-вылонлы сӥземын луоз. Чакламъя, со элькунамы арлы быдэ ортчоз.

Тодэ вайытом, кылем ар пумын Александр Корепанов Удмуртилэн тӧроезлэсь «Признание» премизэ басьтӥз. 2018-тӥ арын Мувыре ивортодэтъя «Удмуртия» агентстволэн корреспондентэз вуылӥз. 

Возрожденная деревня Мувыр в Игринском районе




Наверх
Вниз