100 лет государственности Удмуртии
Ижкар+7 °C
4 -тӥ оштолэзь 2020 Кӧснунал
16+

Тулыспаллэн «чебер» нуналъёсаз 150 пала паръёс кузпалъяськозы Удмуртиын

  • 884
  • 0
Ижкар / Удмуртия
Тулыспаллэн «чебер» нуналъёсаз 150 пала паръёс кузпалъяськозы Удмуртиын
Туспуктэм: Анжелика Тихонова

2020-тӥ арын кузпалъяськыны «чебер» нуналъёсын 2-тӥ, 20-тӥ, 22-тӥ но 14-тӥ тулыспалэз лыдъяло. Со нуналъёсы Удмуртиын 146 кузъёс сюан шудозы. Со сярысь ивортодэтъя «Удмуртия» агентстволэн корреспондентэзлы Удмуртиысь кивалтэт бордын ужась ЗАГС ужъёсъя комитетлэн тӧроез Людмила Попова вераз.

14-тӥ тулыспалэ кузпалъяськыны куриськон 50 паръёс сётӥзы. Соос пӧлысь 24-ез Ижкарын гожтӥськозы, 16-ез – элькунысь мукет каръёсын, 10-эз – ёрос ЗАГС-ёсын

Кылем арын та нуналэ 42 кузъёс сюан шудӥзы вал.

Покчиарняе, 20-тӥ тулыспалэ, 67 кузъёс семья кылдытозы, соос пӧлысь 26-ез – Ижкарысь, 20-ез – Удмуртиысь мукет каръёсысь, 21-ез – ёросъёсысь

Пусъём, покчиарняе ЗАГС-ёс сиё-дано ужрадъёс уг ортчыто. Соин ик кузпалъяськисьёс гожтӥськозы гинэ.

Кузпалъяськыны малпась егитъёс ужрадэз азьвыл чаклало но дасясько, шудо нуналзы асьсэлы но, матысь адямиоссылы но, эшъёссылы но кемалы тодазы мед кылёз шуыса. Соин ик ЗАГС-ёсын «чебер» нуналъёсы гожтӥськон кузпалъяськисьёс пӧлын туж вӧлмемын. <…> Паръёслэн сӥё-дано гожтӥськон ортчытыны мылкыдзы вань ке, соослэн куремзыя чебер залъёсты усьтыны луоз
Людмила Попова, Удмуртиысь кивалтэт бордын ужась ЗАГС ужъёсъя комитетлэн тӧроез

22-тӥ тулыспалэ, кӧснуналэ, 29 кузъёс гожтӥськозы, соос пӧлысь 15-ез – Ижкарысь ЗАГС ёзэтъёсын, куинез – Сарапулын, одӥгез – Можгаын, 10-эз – ёросъёсын

Эшшо одӥгез чебер нунал - 02.02.2020 - арнянуналлы тупа. Соку элькунысь ЗАГС-ёс уг ужало но кузпалъяськисьёсты уг гожто.



Наверх
Вниз