Ижкар-3 °C
24 -тӥ тулыспал 2020 Вордӥськон
16+

Сюрлэсь трос адями выльысь дышетскоз йӧскалык ӵектос улсын Удмуртиын 2020-тӥ арын

  • 364
  • 0
Ижкар / Удмуртия
Сюрлэсь трос адями выльысь дышетскоз йӧскалык ӵектос улсын Удмуртиын 2020-тӥ арын

2020-тӥ арын «Демография» йӧскалык ӵектос улсын Удмуртиын сюрлэсь трос адями выльысь дышетскоз. Со сярысь улосвыл тӧролэн но кивалтэтлэн пресс-службазы ивортэ.

Нимысьтыз саклык висъяськоз нылкышноосты дышетонлы.

Милям ужпуммы - 3 аресозь нылпиен пукись нылкышноослы юрттыны, озьы ик школае мыныны вуымтэ аресозь пиналъёсын нылкышноослы, соос ужзылэсь но медаз кыле, анай луонзы но палэнэ медаз кыльы шуыса. Йӧскалык ӵектос улсын дистанционной амалэн но дышетскыны луэ, озьы дырез шыръяны луонлык кылдэ, угось дышетскон интые ветлыны дыр уз быры
Александр Бречалов, Удмуртилэн тӧроез

Калыкез уже интыян ёзэсъёс ыстэмъя дышетскем нылкышноос азьвыл ужан интыязы ик берытскыны яке мукет азе интыяськыны быгато, кытын нылпиез кемалы кельтытэк ужаны луоз.

Туэ та ужпумъёслы федерал но элькун коньдэтъёсысь 28 миллион 600 сюрс манет висъязы. Ӧжытсэ 485 нылкышноос ӧнерлы дышетскыны яке быгатонлыкъёссэс будэтыны кулэ. 2020-тӥ арын толшоре 42 кышномуртъёсты дышетскыны келязы ни. Соос бухгалтер, делопроизводитель, кладовщик, менеджер, йырси ӵышкись, гижыосты утялтӥсь ӧнеръёсъя тодон-валанъёс басьто.

Озьы ик йӧскалык ӵектосъя «Старшее поколение» федерал ӵектос улсын 50 но солэсь трос аресъем муртъёсты дышетон чакламын. Со понна адями ачиз калыкез уже интыянъя центре вазиськыны яке уж сётӥсьлэсь дышетскыны ыстон басьтыны быгатэ. 

Арлыдо ужасез дышетон понна уж сётӥсьлы нимысьтыз субсидия висъяське

Таяз арын 50 но солэсь трос аресъем ӧжытсэ 559 адями дышетскоз. Та ужпумлы федерал но элькун коньдэтъёсысь 45 миллион 800 сюрс манет висъялозы. Толшоре 76 мурт выль тодон-валанъёс басьтыны кутскиз ни. Арлыдоос менеджер, делопроизводитель, пырась, охранник но муке ӧнеръёслы дышетско.

Кылем арын арлыдо адямиосты дышетонъя но быгатонлыкъёссэс будэтонъя ужпумез Удмуртиын чакламлэсь вылтӥ быдэстӥзы. 

Наши партнеры

Наверх
Вниз