100 лет государственности Удмуртии
Ижкар+14 °C
31 -тӥ куартолэзь 2020 Воскресенье
16+

Удмуртилэн кунлыкезлы 100 ар тырмонлы синпель коньдон поттоз Россиысь банк

  • 784
  • 0
Ижкар / Удмуртия
Удмуртилэн кунлыкезлы 100 ар тырмонлы синпель коньдон поттоз Россиысь банк
Туспуктэм: Григорий Фомин

Россиысь банк 2020-тӥ арын Удмуртилэн кунлыкезлы 100 ар тырмонлы синпель коньдон поттоз. Со сярысь элькунысь тӧролэн но кивалтэтлэн пресс-службазы ивортэ.

Азвесьлэсь коньдонлэн пуктэм дуныз 3 манет луоз, сое 3 сюрс мында поттозы


Нялтас вераса, Удмуртилэн кунлыкезлы 100 ар тырмонэз пусъён улсын 2020-тӥ ар ӵоже элькунысьтымы каръёсын но ёросъёсын трос гинэ ужрадъёс ортчозы. Валтӥсьёсыз пӧлын: мерлыко ужъюртъёсты, лулчеберет но истори кылёсбур луись объектъёсты выльдон, Удмуртилэн историезъя архивысь ужкагазъёсын но материалъёсын адӟытон, Цирк устолыкъя калыккуспо фестиваль, «Бадӟым удмурт диктант» акци, Пётр Ильич Чайковскийлы 180 ар тырмонлы сӥзем «П.И. Чайковскийлэн вордӥськем шаераз» калыккуспо фестиваль, «Гербер» йӧскалык шулдыръяськонэз выль сямен ортчытон, капчи атлетикая «Исток Камы - 100» огъяросси марафон, тупыттэм (экстремальный) спорт амалъёсъя калыккуспо фестиваль, Удмуртиын улӥсь калыкъёслэн конгрессы. Котырес дырусэз пусъён ужрадъёслы 200 миллион манет висъялозы

Пусъём, удмурт калыклэн кунлык басьтэмезлы 100 ар тырмонлы сӥзьыса, Удмуртиын ӟуч-удмурт кыллюкам но удмурт авторъёслэн ужъёсынызы бичетъёс поттӥзы ини. 

2020-тӥ арын 4-тӥ толшоре Удмуртиысь вань ёросъёсын но каръёсын шулдыръяськонъёс ортчозы

Тодэ вайытом, Удмуртилэн кунлыкезлы 100 ар тырмонлы сӥзем ужрадъёсты 2019-тӥ арын 4-тӥ шуркынмонэ Глазкарын – Вотской автономилэн нырысетӥ шоркараз - мытӥзы. Отын «Удмуртия огазея» нимо бадӟым шоу возьматӥзы



Наверх
Вниз