Ижкар-3 °C
24 -тӥ тулыспал 2020 Вордӥськон
16+

14 сюрс 600-лэсь трос пиналъёс вордскизы Удмуртиын 2019-тӥ арын

  • 487
  • 0
Ижкар / Удмуртия
14 сюрс 600-лэсь трос пиналъёс вордскизы Удмуртиын 2019-тӥ арын
Туспуктэм: Руслан Нуриахметов

2019-тӥ арын Удмуртиын 14 сюрс 602 нылпиос вордскизы, азьвыл арын сярысь со 1 сюрс 821 адямилы ӧжытгес. Удмуртстат кылем аръя нырысь-валысь чаклам лыдпусъёсты шараяз.

Ортчем арын 17 сюрс 936 адями улонысь кошкиз, со валля арынлэсь 143 муртлы ичигес. Кулон мугъёс пӧлын нырысетӥ интыын вирберган сӧзнэт висёнъёс (43 процент), пыктосъёс (17 процент) но шудтэм учыръёс (10 процент).

2019-тӥ арын Удмуртиын 8 сюрс 487 семья кылдӥз (76-лы ӧжытгес). Люкиськем сярысь ужкагазъёс 53-лы ӧжытгес сётӥзы – 5 сюрс 317.

Кылем арын элькунамы 12 сюрс 993 адями лыктӥз, сьӧрло 16 сюрс 52 мурт кошкиз.

2020-тӥ ар кутсконлы Удмуртиын улӥсьёслэн лыдзы 1 миллион 501 сюрс адями вал, со пӧлын карын улӥсьёс – 992 сюрс 300 адями, гуртын улӥсьёс – 508 сюрс 700 адями. Кылем ар ӵоже элькунамы улӥсьёслэн лыдзы 6 сюрс 385 муртлы кулэсмиз. 

Тодэ вайытом, 2020-тӥ ар кутсконысен Удмуртиын 221 нылпиос вордскизы. Нялтас вераса, таяз арын нылпиосын семьяослы мерлыко тыронъёс воштӥсько.

Наши партнеры

Наверх
Вниз