Ижкар-3 °C
24 -тӥ тулыспал 2020 Вордӥськон
16+

Балезино ёросын бесерманъёслэсь огазеяськонзэс кылдытӥсь Борис Биянов Удмуртилэн тӧроезлэсь таукаронзэ басьтӥз

  • 484
  • 0
Балезино / Удмуртия
Балезино ёросын бесерманъёслэсь огазеяськонзэс кылдытӥсь Борис Биянов Удмуртилэн тӧроезлэсь таукаронзэ басьтӥз
Туспуктэм: vk.com (Министерство национальной политики Удмуртии)

Балезино ёросысь Борис Биянов элькунын кун йӧскалык политикаез быдэсъянын бадӟым уж нуэмез понна Удмуртилэн тӧроезлэсь таукаронзэ басьтӥз. Данъетэз улосвылысь йӧскалык политикая министр Лариса Буранова сётӥз, ивортэ удысэтлэн пресс-службаез.

Борис Биянов бесерман калыклэсь йылолъёссэс, кылзэ утён но азинтон, пӧртэм калыкъёслэсь кусыпъёссэс юнматон понна трос лэсьтӥз. Со ёросын бесерманъёслэн огазеяськонэнызы кылдэм дырысеныз 2016-тӥ арозь кивалтӥз. Солэн тыршеменыз Балезино ёросын «Кӧрбан» йӧскалык праздникез ялан ортчытъяны кутскизы, лулчеберетъя адӟытонъёс усьтӥзы, фольклоръя коллектив кылдытӥзы.

Борис Бияновез ӟечкыласа, министр Лариса Буранова пусйиз, со кадь адямиослы луыса йылолъёс, кылъёс, калыкъёс утисько но азинско.

Тодэ вайытом, кылем ар пумын Удмуртиын бесерман егитъёслэсь огазеяськонзэс кылдытӥзы

Наши партнеры

Наверх
Вниз