Ижкар-3 °C
24 -тӥ тулыспал 2020 Вордӥськон
16+

Вормонлы 75 ар тырмонлы сӥзем «Письма сквозь время» книга поттыны малпало Удмуртиын

  • 473
  • 0
Ижкар / Удмуртия
Вормонлы 75 ар тырмонлы сӥзем «Письма сквозь время» книга поттыны малпало Удмуртиын
Туспуктэм: Алексей Арзамасцев

1941-1945 аръёсы Быдӟым Атыкай ожын вормонлы 75 ар тырмон азьын Удмуртиын «Письма сквозь время» патриотической акция ялӥзы. Со улсын люкам ужкагазъёсты но гожтэтъёсты сыӵе ик нимын книга-альбомен поттозы, ивортэ элькунысь печатья но калыке ивортодэт вӧлмытонъя агентство.

Ужрадлэн ужпумез – котькуд семьяын Быдӟым Атыкай оже пыриськемъёс сярысь тодонлыкез утён, егитъёслы кунлэн историеныз тунсыкъяськон мылкыд пыӵатон

Акция школаосын но шоръёзо ӧнер дышетсконниосын ортчоз. Со улсын пиналъёс ӵыжы-выжоссылэсь ож аръёсы гожтэм гожтэтъёссэс, туспуктэмъёссэс, ужкагазъёссэс но данъетъёссэс эскерыны кулэ. Собере ожмаськем песятайёссылы фронтэ, ожгар госпитале, партизан отрядэ гожтэт гожтоно луоз.

Озьы ик акцие пыриськыны журналистъёсты ӧтё.

Ӵектос кӧня ке люкетэн ортчоз:

- тулыспал пумозь семьяысь архивъёсын ужано: гожтэтъёсты, туспуктэмъёсты, ужкагазъёсты сканер пыр поттоно;

- 15-тӥ южтолэзёзь ожмаськем ӵыжы-выжыослы гожтэт гожтоно. Луоз быдэс семьяен но пыриськыны, котькудӥз аслэсьтыз малпанъёссэ вералоз.

- 25-тӥ южтолэзёзь сканер пыр поттэм кагазъёсты но гожтэтъёсты Удмуртиысь дышетонъя но тодосъя министерствое ыстоно.

Собере вань материалъёсты печатья но калыке ивортодэт вӧлмытонъя агентствое но Удмуртиысь журналистъёслэн огазеяськоназы сётозы. Южтолэзь пумозь «Удмуртская правда» газетлэн редакциез соосъя «Письма сквозь время» книга-альбомлэсь макетсэ лэсьтоз но печатланы сётоз.

Книга-альбомен тодматон 8-тӥ куартолэзе ортчоз

Бичетэ пырем ужъёслэсь авторъёссэс Удмуртиысь журналистъёслэн огазеяськонзылэн дипломъёсыныз пусъёзы.

Тодэ вайытом, Удмуртиын улӥсьёслэн эскерон ужъёсъя «Правнуки Победителей» вожвылъяськонэ пыриськыны, со сяна, 9-тӥ куартолэзе Москваын Вормон парадэз радъясьёс пӧлы шедьыны луонлыксы вань. 

Наши партнеры

Наверх
Вниз