Ижкар-3 °C
24 -тӥ тулыспал 2020 Вордӥськон
16+

«Этноментальность удмуртской молодежи в меняющемся мире» улосвылкуспо конференци ортчоз Ижкарын

  • 463
  • 0
Ижкар / Удмуртия
«Этноментальность удмуртской молодежи в меняющемся мире» улосвылкуспо конференци ортчоз Ижкарын
Туспуктэм: Руслан Нуриахметов

28-29 тулыспалэ Ижкарысь Калыкъёслэн эшъяськон юртазы «Этноментальность удмуртской молодежи в меняющемся мире» улосвылкуспо научно-практической конференци ортчоз. Со сярысь Калыкъёслэн эшъяськон юртсылэн пресс-службаез ивортэ.

Котькуд калыклэн азьланез егитъёс бордысь потэ. Ӵапак егитъёс, йӧслык лулчеберетэз нуллӥсьёс сямен, сое утьыны но азинтыны быгато
Конференциез радъясьёс

Конференция удмурт этносэз но удмурт егитъёслэсь йӧслыклэн люкетэз луэмзэс валанзэс утён но азинтон понна, егитъёсты удмуртъёслэн сяме пырем дунлыкъёсынызы тодматон понна ортчытӥське.

Ужрадэ Удмуртиысь но удмуртъёс тросэн улон интыосысь – Башкириысь, Татарстанысь, Пермь шаерысь, Марий Элысь, Свердловск но Киров улосвылъёсысь – дышетӥсьёсты, дышетскисьёсты но студентъёсты ӧтё.

Конференцилэн нырысетӥ нуналаз пленарной кенешон, котырес ӝӧк ортчоз, секциос но тодматон площадкаос ужалозы. Кыкетӥ нуналаз Ижкаретӥ экскурсия радъялозы.

Куриськонъёсты flyura-2015@mail.ru электрон почтае 23-тӥ тулыспалозь келяно.

Куронъёсын пыр-почгес тодматскыны татын луэ.

Конференциез Камсьӧр удмуртъёслэн йӧскалык центрзы Удмуртиысь Калыкъёслэн эшъяськон юртсы но йӧскалык политикая министерство юрттэмен ортчытэ.

Тодэ вайытом, кылем арын толсуре Ижкарын удмуртъёслэн вашкала гуръёссыя «Чакара» Х улосвылкуспо фестиваль ортчиз. Удмуртилэн шоркараз тямыс улосвылъёсысь куноос вуылӥзы.

Наши партнеры

Наверх
Вниз