100 лет государственности Удмуртии
Ижкар+7 °C
4 -тӥ оштолэзь 2020 Кӧснунал
16+

Ас выжылэн кылдэмез сярысь иворез Удмуртиын улӥсьёс оналайн амалэн шедьтыны быгатозы

  • 1474
  • 0
Ижкар / Удмуртия
Ас выжылэн кылдэмез сярысь иворез Удмуртиын улӥсьёс оналайн амалэн шедьтыны быгатозы
Туспуктэм: Михаил Шустов

Элькунамы улӥсьёс ас выжызылэн кылдэмез сярысь иворез онлайн амалэн шедьтыны быгатозы. Удмуртилэн кунлыкезлы 100 ар тырмон улсын улосвылын «Доступная генеалогия» ӵектос быдэстӥське. Со сярысь элькун тӧролэн но кивалтэтлэн пресс-службазы ивортэ.

«Доступная генеалогия» - со вотэсын утчаськон сӧзнэт, кудӥз дуно генеалогической инъетъёс борды йӧтскыны, шаертодонэн, куке но трос калыко гуртъёслэн но черкогуртъёслэн секыт адӟонэнызы, туала Удмуртиын улӥсьёслэн выжыоссылэн улонэнызы тунсыкъяськыны луонлык сётоз. Оскисько, тросэзлэн Удмуртиын улӥсьёслэн ас выжыоссы сярысь тодэмзы потэ
Ярослав Семёнов, Удмуртиысь кивалтэтлэн тӧроез

Кунлык басьтон нуналлы 18-тӥ даурысен 20-тӥ даур кутсконозь Ватка но Перм губерниосысь каръёсысь, черкогуртъёсысь но гуртъёсысь православи черкъёслэн приходъёсысьтызы метрика книгаосты оцифровать карозы. Соосын кун архивъёслэн лыдӟиськон залъёсазы ужаны луоз.

Ӵектосэз йылпумъянлы ивортодэтэн «шыкысэ» Россиын 1897-тӥ арын калыкез лыдъян-гожтонъя ужкагазъёсты ватсалозы на. Оглом 2 миллион лист кагазъёсын дорысь потэтэк «Виртуальный читальный зал» пыр тодматскыны луоз.

Архивъёсысь сканер пыр лэзем ужкагазъёсты вотэсэ 2021-тӥ ар пумозь поттозы

Ӵектосэз радъясьёс - Удмуртиысь кивалтэт бордын ужась архив ужъёсъя комитет но элькунысь кун но мнуниципал архивъёс – лыдъяло, ас выжыезлэсь историзэ эскерыса но тодыса, адямилэн лулпуш дуннеез узыргес луэ.

Тодэ вайытом, Пичи Пурга ёросысь Анатолий Прозоров 2 сюрс пала ӵыжы-выжыосыз сярысь иворен но туспуктэмъёсын альбомъёс лэсьтэмез понна «Семейная реликвия» йӧскалык преми басьтӥз.



Наверх
Вниз