Ижкар+1 °C
26 -тӥ тулыспал 2020 Вирнунал
16+

Сюлэсь трос куриськонъёс вуизы ни Удмуртиын мерлыко контрактъя кун юрттэт басьтон понна

  • 430
  • 0
Ижкар / Удмуртия
Сюлэсь трос куриськонъёс вуизы ни Удмуртиын мерлыко контрактъя кун юрттэт басьтон понна
Туспуктэм: Алексей Арзамасцев

Мерлыко контрактъя кун юрттэт басьтон понна Удмуртиын улӥсьёслэсь 117 куриськонъёс вуизы ни. Программаез быдэстыны 2020-тӥ арын элькунын 248 миллион манет пала висъялозы. Со сярысь улосвыл тӧролэн но кивалтэтлэн пресс-службазы ивортэ.

Мерлыко контрактъя ужпумъёслы 2020-тӥ арын Удмуртиын огазеям коньдэтысь 247 миллион 900 сюрс манет висъямын луоз. Мерлыко контрактъёсты пыӵатон азьлане бадӟым вамыш луоз. Уката ик мерлыко контрактъёс ас ужен вырон программаосъя быдэстӥськизы ке
Александр Бречалов, Удмуртилэн тӧроез

Куриськонъёс пӧртэм ӧръёсъя вуизы:

- уж утчан – 23 адями;

- ӧнерлы дышетскон яке ватсаса тодон-валанъёс басьтон – 15 адями;

- ужбергатонэн вырон – 31 адями;

- секыт улон югдурысь потон мукет амалъёс – 48 адями.

Тужгес трос куриськонъёс сётӥзы трос нылпиё семьяос но кык нылпиен семьяос.

«Мерлыко контракт» программа адямилы секыт югдурсь поттыны юрттэ.

Мерлыко контрактъя кун мерлыко юрттэт басьтыны быгато элькунын улӥсь ужано арлыдъем кунмуртъёс, кинлэн табышез толэзьлы тырмымон коньдонлэн быдӟалаезлэсь ӧжытгес луэ. Юрттэт басьтӥсьёс контрактын пусъем ужпумъёсты быдэстыны кыл сёто, со пӧлын уж утчан, ӧнерлы дышетскон, подсобной хозяйствоез азинтон, нимаз ужан, озьы ик мукет ужрадъёс, со пӧлын кудӟытӥсь юонъёслэсь куштӥськон. Мерлыко юрттэт сётонъя ёзэсъёс коньдонэн, мерлыко юрттӥськетэн, нуналмысь кулэ луись вузъёсын, дышетсконэн но уже интыяськонэн юрттыны оскыто. Мерлыко контрактъя одӥг пол 30 сюр манетозь яке толэзьлы быдэ тыриськись 7 сюрс манет котыр пособие сётыны чакламын. Тупанкыл куинь толэзьысен одӥг арозь юнматӥське. 2017-тӥ арысен Удмуртия мерлыко контрактлэн ужпумъёсызлы висъяськись коньдонлэсь быдӟалазэ будэтэ

Наши партнеры

Наверх
Вниз