Ижкар+11 °C
28 -тӥ куарусён 2020 Вордӥськон
18+

Удмурт дӥсь Мюнхенысь суредасьлы выль уж кылдытыны мылкыд сётӥз

  • 711
  • 0
Мюнхен / Германия
Удмурт дӥсь Мюнхенысь суредасьлы выль уж кылдытыны мылкыд сётӥз
Туспуктэм: instagram.com (@iraville)

Германиысь Мюнхен карысь суредась Ира Слютерман (Ira Sluyterman) удмурт дэремлы синмаськыса суред лэсьтӥз. Со сярысь «ВКонтакте» мерлыко вотэсысь «Я люблю Удмуртию» огин ивортэ.

Суредзэ нылмурт Instagram мерлыко вотэсысь бамаз поттӥз.

Мынам мусо но яркыт пужыё дэремен нылашез суредаме потӥз. Гуглысь пӧртэм калыкъёслэсь йӧслык дӥсьёссэс эскери. Та суредэз лэсьтыны мылкыд удмурт дэрем сётӥз
Ира Слютерман, Мюнхенысь суредась

Пусъём, Ира Слютерманлэн Instagram мерлыко вотэсын миллион пала гожтӥськисьёсыз. Соос суредлы синмаськемзы сярысь гожтӥзы: «Кыӵе мусо!», «Син мальдымон», «Котьку сямен, туж усто». Табере Ираез мукет йӧслык дӥсьёсты но суреданы куро, кылсярысь, саам, болгар, норвежской но словак костюмъёсты.  



Наверх
Вниз