Ижкар+20 °C
8 -тӥ гудырикошкон 2020 Кӧснунал
16+

Вормонлы 75 ар тырмонлы сӥзем 11 сюрс медальёс сётозы Удмуртиын улӥсьёслы

  • 674
  • 0
Ижкар / Удмуртия
Вормонлы 75 ар тырмонлы сӥзем 11 сюрс медальёс сётозы Удмуртиын улӥсьёслы
Туспуктэм: Удмуртиысь тӧролэн но кивалтэтлэн пресс-службазы

9-тӥ куартолэзь азьын Удмуртиын улӥсьёслы «75 лет Победы в Великой Отечественной войне 1941-1945 гг» 11 сюрс медальёс сётозы. Со сярысь элькун кивалтэтлэн пресс-службаез ивортэ.

Котырес лыдпуслы тупатэм медаль Россилэн азьмуртэзлэн Владимир Путинлэн косэтэзъя кылем арын юнматэмын. Сое Быдӟым Атыкай ожысь ветеранъёслы, ож мышкын тыршемъёслы, быдэ вуымтэ дыръязы концлагерьёс шедемъёслы но мукетъёсызлы сёто

Россиын азьмуртэз нырысетӥ медальёслы 18-тӥ толшоре, Ленинградэз котыртэмысь мозмытон нуналэ, сётӥз. Нош Удмуртиын 9-тӥ тулыспалэ улосвыллэн тӧроез Александр Бречалов Дэри ёросысь Докша гуртысь Маргарита Никулиналы медалез бырттӥз. Нылкышно пичи дыръяз котыртэм Ленинградын улӥз.

Дано ужез каръёслэн но ёросъёслэн тӧрооссы но быдэсъяны кутскизы ни. 11-тӥ тулыспалэ Юкаменск ёрослэн тӧроез Константин Бельтюков Юкаменск черкогуртысь ветеран Александр Шмаков доры вуылӥз но медаль сётӥз, озьы ик 100 арес тырмонэныз ӟечкылаз.

Александр Алексеевич Юкаменск ёросысь Новики гуртын вордӥськиз (али гурт быремын ини). 1940-тӥ арын сое Совето Армие басьтӥзы. Ож кутскем бере вордӥськем шаерзэ утьыны мынӥз. 1946-тӥ арозь Дальний Востокын стрелковой бригадаын службазэ нуиз. Кыкетӥ Дунневыл ож дыръя Япониен оже пыриськиз. «За Победу над Японией» медален пусъемын. Кузпалэныз Наталья Дмитриевнаен ӵош сизьым нылпизэс будэтӥзы.

Тодэ вайытом, Вормонлы 75 ар тырмемен валче Россиын Быдӟым Атыкай ожысь ветеранъёслы 75 сюрс манетэн но фронт мышкын ужамъёслы 50 сюрс манетэн юрттэт сётозы.



Наверх
Вниз