100 лет государственности Удмуртии
Ижкар+1 °C
5 -тӥ оштолэзь 2020 Воскресенье
16+

«Бадӟым удмурт диктант» туэ 4-тӥ оштолэзе ортчоз

  • 1399
  • 0
Ижкар / Удмуртия
«Бадӟым удмурт диктант»  туэ 4-тӥ оштолэзе ортчоз
Туспуктэм: Григорий Фомин

2020-тӥ арын «Бадӟым удмурт диктант» 4-тӥ оштолэзе, нырысетӥ удмурт нылкышно кылбурчилэн Ашальчи Окилэн вордӥськем нуналаз, ортчоз но Удмуртилэн кунлыкезлы 100 ар тырмонлы сӥземын луоз. Со сярысь диктантэз огез радъясь, «Мынам Удмуртие» телерадиокомпания, ивортэ.

Укмысэтӥзэ ортчись акцилы текстэз Удмуртиысь калык гожъясь Вячеслав Ар-Серги гожтоз

Дышем сямен ини диктантэз «Мынам Удмуртие» радиолэн меӵак эфираз лыдӟозы, озьы ик шаерысьтымы вань ёросъёсын но каръёсын, Россиысь мукет улосвылъёсын диктант гожтонъя площадкаос ужалозы. Ужрад 13 часын кутскоз.

Туэ нырысьсэ акци кык люкетэн радъяськоз

Диктант гожтэм сяна, вань мылкыд карисьёс удмурт кылэн герӟаськем юанъёслы онлайн амалэн валэктон сётыны быгатозы. Юанъёс ӟуч но удмурт кылын луозы. Соосты нимысьтыз «Бадӟым удмурт диктантлы» кылдытэм вотэсбамысь шедьтыны луоз.

Акциез «Мынам Удмуртие» телерадиокомпания Удмурт кун университетысь Удмурт кылосбуръя, финно-угроведениея но журналистикая институт, элькунысь йӧскалык политикая министерство но «Удмурт Кенеш» огазеяськон юрттэмен радъя.

Тодэ вайытом, кылем арын «Бадӟым удмурт диктантлы» текстэз йӧскалык театрысь артист, кутскись драматург Алексей Котков гожтӥз вал. Диктантэ 2 сюрслэсь трос адями пыриськиз. Удмурт кылын шонер гожъяськыны быгатэмез эскеронъя ужрад 110-лэсь трос нимлыко площадкаосын ортчиз.



Наверх
Вниз