Ижкар+1 °C
26 -тӥ тулыспал 2020 Вирнунал
16+

Удмуртиын улӥсь 11 сюрс пала адями одӥг пол тыриськись коньдон басьтоз Вормонлы 75 ар тырмонэн валче

  • 369
  • 0
Ижкар / Удмуртия
Удмуртиын улӥсь 11 сюрс пала адями одӥг пол тыриськись коньдон басьтоз Вормонлы 75 ар тырмонэн валче
Туспуктэм: Алексей Арзамасцев

Удмуртиын улӥсь 10 сюрс 830 адями Быдӟым Атыкай ожын Вормонлы 75 ар тырмонэн валче одӥг пол тыриськись коньдон басьтоз. Со сярысь элькун тӧролэн но кивалтэтлэн пресс-службазы ивортэ.

Коньдонэз туэ оштолэзе-куартолэзе тырозы

Росси азьмуртлэн косэтэзъя Быдӟым Атыкай ожын сӧсырмемъёс, Быдӟым Атыкай ожысь ветеранъёс, Кыкетӥ дунневыл ож вакытэ фашистъёсын но соос понна дурбасьтӥсьёсын кылдытэм концлагерьёсы, геттоосы но пытсэт сьӧры быдэ вуымтэ дыръязы шедемъёс, Финляндиен ожын, Быдӟым Атыкай ожын, Япониен ожын бырем ожгарчиослэн пал кышнооссы (пал кылем пиосмуртъёс), улонысь кошкем Быдӟым Атыкай ожын сӧсырмемъёслэн но Быдӟым Атыкай ожысь ветеранъёслэн пал кышнооссы (пал кылем пиосмуртъёс) быдэн 75 сюрс манетэн басьтозы.

Быдэн 50 сюрс манетэн ож мышкын тыршем Быдӟым Атыкай ожысь ветеранъёслы но фашистъёслэн пытсэтъёссы сьӧрын пукем быдэ вуэмъёслы тырозы.

Удмуртиысь мерлыко политикая но ужъя министерстволэн ивортэмезъя, элькунамы 75 сюрс манетэн 374 адями басьтоз, нош 50 сюрс – 10 сюрс 456 адями

Тодэ вайытом, туэ Вормонлы 75 ар тырмонлы Удмуртиысь 11 сюрс адями медальёсын пусъемын луоз.

Наши партнеры

Наверх
Вниз