Ижкар-3 °C
24 -тӥ тулыспал 2020 Вордӥськон
16+

Удмурт анайёслы подкастъёс но удмурт кылъя видеоурокъёс: «Куара» огин 2020-тӥ арлы чаклам ӵектосъёсынызы тодматӥз

  • 314
  • 0
Ижкар / Удмуртия
Удмурт анайёслы подкастъёс но удмурт кылъя видеоурокъёс: «Куара» огин 2020-тӥ арлы чаклам ӵектосъёсынызы тодматӥз
Туспуктэм: vk.com ("КУАРА" огин)

Удмуртиысь егит удмурт азьветлӥсьёслэн «Куара» огазеяськонзы 2020-тӥ арлы чаклам ӵектосъёссэ шараяз. Со сярысь «ВКонтакте» мерлыко вотэсысь бамазы ивортӥзы.

2020-тӥ арын «куараос» ньыль ӵектоссэс улонэ пыӵатыны чаклало. Выльёсыз - «Ныло-пиё» подкастъёс но удмурт кылъя видеоурокъёс. Озьы ик «Тубат» но «Удмурт блогеръёслэн школазы» ӵектосъёссэс азьланьтозы

«Ныло-пиё» ӵектос улсын удмурт анайёслы удмурт кылын подкастъёс лэсьтон борды басьтӥськыны ӧдъяло.

Подкастъёсты котькин быгатоз кылзӥськыны, интернетэ пыратэк, приложение пыр
«Куара» огин

Нош удмурт кылъя видеоурокъёс ӟуч но англи кылын вераськисьёслы удмурт кылэз капчиен но тунсыко дышетыны юрттозы. Оглом 10 чебер но учкымон видеоурок лэсьтыны чаклало.

«Тубат» ӵектос азьло аръёсы но ужаз ини. Со улсын «куараос» удмурт кылчиосын, литератураез эскерисьёсын, лулчеберет удысысь азинлыко адямиосын видеолекциос гожъязы. Туэ ӵектос улсын естественной тодосысь темаосты но югдытыны тыршозы.

Удмурт кылын «удмурт луисьтэм» темаос сярысь но вералом. Со сяна, наукаез ӟуч кылын вӧлмытӥсь огинъёсын но кусып кылдытыны тыршом - ӟечлыко лекциосмес тросгес калык мед учкоз
«Куара» огин

Нош «Удмурт блогеръёслэн школазы» ёросъёсы вамыштоз. Кылем ар пумын Ижкарын радъям дышетсконъёсы ёросъёсысь но куриськонъёс трос вал, но школаын дышетскон вакытэ гуртоос лыктыны ӧз быгатэ. Табере пиналъёслэн луонлыксы кылдоз.

Тодэ вайытом, кылем арын «Куара» огин трос гинэ ӵектосъёс улонэ пыӵатӥз. Соос пӧлын «Тубат»«Удмурт блогеръёслэн школазы» сяна, «Аныкай» медиашкола, «Тамга» видеошкола, удмурт стендап

Наши партнеры

Наверх
Вниз