Ижкар-3 °C
24 -тӥ тулыспал 2020 Вордӥськон
16+

95 арессэ пусйиз Глаз ёросысь Быдӟым Атыкай ожысь ветеран

  • 292
  • 0
Глазкар / Удмуртия
95 арессэ пусйиз Глаз ёросысь Быдӟым Атыкай ожысь ветеран
Туспуктэм: vk.com (Вячеслав Сабреков)

13-тӥ тулыспалэ Глаз ёросысь Новые Парзи гуртысь Быдӟым Атыкай ожысь ветеранлы Леонид Барышниковлы 95 арес тырмиз. Сое Глаз ёрослэн тӧроез Вячеслав Сабреков ӟечкылаз. Со сярысь со «ВКонтакте» мерлыко вотэсысь бамаз гожтӥз.

Тужгес лек но трос вирез кисьтэм ожын подвигды понна сюлмысьтымы тау кариськом но музъемозь йыбырттӥськом. Тӥляд Быдӟым Атыкай ож аръёсы геройлыко но йыг-йыг луэмдылы луыса, ми туннэ тупаса улӥськом
Вячеслав Сабреков, Глаз ёрослэн тӧроез

Ёрос тӧро ветеранлы юн тазалык, чырткем луыны но шудо-буро улон сӥзиз. 

1942-тӥ арын Леонид Барышников Ижкар-Балезино чугун сюресэз лэсьтонэ пыриськиз. 1943-тӥ арын сое Москва котырысь 10-тӥ гвардейской воздушно-десантной бригадае снайпере келязы. 1944-тӥ арын Карел фронтын ожмаськиз, Карелиез финн захватчикъёслэсь мозмытонэ пыриськиз. Отын 1944-тӥ арын инвожое секыт сӧсырмыны шедиз но госпитальёсын кыллиз. Бурмем бераз кыкетӥ Белорус фронтысь 1027 номеро артиллери полке вычислитель луыса сюриз. 1945-тӥ арын толшорысен оштолэзёзь Белоруссиез но Польшаез мозмытонэ пыриськиз. Оштолэзе Польшаысь Гдыня кар улын кыкетӥзэ сӧсырмиз. Вормон нуналэз госпитальын пумитаз. Ветеранэз «За Отвагу» медален, Трудовой Славалэн III степенё орденэныз но Отечественной войналэн I степенё орденэныз пусйизы.

Тодэ вайытом, туэ Удмуртиысь 11 сюрс адямиез Вормонлы 75 ар тырмонлы медален пусъёзы. Со сяна, сомындагес ик адями Вормон нуналлы одӥг пол тыриськись коньдон басьтоз.

Наши партнеры

Наверх
Вниз