Ижкар+27 °C
12 -тӥ пӧсьтолэзь 2020 Воскресенье
16+

Удмурт блогер луыны дышетозы ёросъёсысь пиналъёсты Удмуртиын

  • 1103
  • 0
Ижкар / Удмуртия
Удмурт блогер луыны дышетозы ёросъёсысь пиналъёсты Удмуртиын
Туспуктэм: vk.com (УДМУРТ БЛОГЕРЪЁСЛЭН ШКОЛАЗЫ)

Удмуртиысь гурт ёросъёсысь удмурт пиналъёсты блогер луыны дышетозы. Со сярысь Ижкарысь Калыкъёслэн эшъяськон юртсылэн пресс-службаез ивортэ.

2020-тӥ арын «Удмурт блогерлэн школаез» ӵектосэз Кез, Балезино, Пичи Пурга ёросъёсын, озьы ик Ижкарын улонэ пыӵатозы

5-9 классъёсын дышетскисьёсты оператор луыны, журналистикалы но видеомонтажлы, аккаунтъёсты азинтонъя туала амалъёслы (SММ) дышетозы. Тодон-валанзэс пиналъёс вотэсысь ас бамъёсазы кутыса утчалозы. Нош азьланяз асьсэ понна удмурт кылын блогзэс нуыны быгатозы.

Ӵектос удмурт кылын видеоблог лэсьтыны быгатӥсь мыло-кыдо пиналъёсты огазеян понна лэсьтӥське

Туэ оштолэзе удмурт кылын тужгес устоез блог луон понна вожвылъяськон ялэмын луоз. Вормисьёсты куартолэзь шорын Ижкарысь Калыкъёслэн юртазы пусъёзы. Вань пыриськисьёс сертификатъёс, нош вормисьёс – «Удмурт блогеръёслэн школазылэсь» дипломъёс но кузьымъёс басьтозы.

Пусъём, ӵектосэз Удмуртиысь йӧскалык политикая министерстволэн юрттэмез улсын удмурт егитъёслэн «Куара» огазеяськонзы но Калыкъёслэн эшъяськон юртсы радъяло.

Ӵектосэн матэгес тодматскыны «ВКонтакте» мерлыко вотэсысь бамазы гожтӥськыса луэ.

Тодэ вайытом, «Удмурт блогеръёслэн школазы» ӵектосэз кылем арын мытӥзы но Ижкарысь удмурт пиналъёсты блогер луыны дышетӥзы



Наверх
Вниз