100 лет государственности Удмуртии
Ижкар+4 °C
1 -тӥ оштолэзь 2020 Вирнунал
16+

Тотальной диктантлы дасяськонъя курсъёс кутскизы Ижкарын

  • 918
  • 0
Ижкар / Удмуртия
Тотальной диктантлы дасяськонъя курсъёс кутскизы Ижкарын
Туспуктэм: Григорий Фомин

Ижкарын Тотальной диктантлы дасяськонъя курсъёс кутскизы. Со сярысь кар админитсрацилэн пресс-службаез ивортэ.

Дунтэк дышетонъёс радъяськозы арнялы быдэ:

- «Русский по понедельникам» 18 часысен Л. Толстой нимо лыдӟетъюртын (Ворошилов нимо ульча, 18);

- «Русский по вторникам» 18 час 30 минутысен 24 номеро лыдӟетъюртын (Воровский нимо ульча, 24);

- «Русский по средам» 18 час 30 минутысен Н. Некрасов нимо лыдӟетъюртын (В. Сивков нимо ульча, 158), Удмуртиысь йӧскалык лыдӟетъюртын (Вормонлы 30 ар, 14), И. Наговицын нимо лыдӟетъюртын (9-тӥ Январь, 181); 19 час 30 минутысен Ф. Васильев нимо лыдӟетъюртын (Пионерилы 50 ар ульча, 22);

- «Русский по четвергам» 18 час 30 минутысен 23 номеро лыдӟетъюртын (Вормонлы 40 ар, 56а);

Курсъёс тямыс пумиськонлы чакламын, пыриськисьёс теориез тодэ вайыны но соосты гожъяськон вылын эскерыны быгатозы.

Тотальной диктант 4-тӥ оштолэзе ортчоз. Туэ ужрад 16-тӥ ползэ радъяське ни. Текстэз «Национальный бестселлер» литература премилэн лауреатэз Андрей Геласимов гожтоз, со изобретательлы но философлы Константин Циолковскийлы сӥземын луоз.

Тодэ вайытом, удмурт кылын шонер гожъяськыны быгатэмез эскерон ужрад туэ озьы ик 4-тӥ оштолэзе ортчоз. Текстэз Удмуртиысь калык гожъясь Вячеслав Ар-Серги гожтоз. Туэ нырысьсэ «Бадӟым удмурт диктант» кык люкетэн радъяськоз. 



Наверх
Вниз