Ижкар+19 °C
14 -тӥ гудырикошкон 2020 Удмуртарня
16+

Удмуртиысь ветеранъёслы юбилей медальёс сётӥз Росси азьмуртлэн Приволжск федерал округъя ужоскето муртэз

  • 930
  • 0
Ижкар / Удмуртия
Удмуртиысь ветеранъёслы юбилей медальёс сётӥз Росси азьмуртлэн Приволжск федерал округъя ужоскето муртэз
Туспуктэм: Удмуртиысь тӧролэн но кивалтэтлэн пресс-службазы

27-тӥ тулыспалэ ужъёсызъя Ижкаре лыктэм Росси азьмуртлэн Приволжск федерал округъя ужоскето муртэз Игорь Комаров Удмуртиысь Быдӟым Атыкай ожысь ветеранъёсын пумиськылӥз но соослы «75 лет Победы в Великой Отечественной войне 1941-1945 гг.» медальёс сётӥз. Со сярысь улосвыл тӧролэн но кивалтэтлэн пресс-службазы ивортэ.

Туннэ, быдӟым праздникез - Быдӟым Атыкай ожын Вормон нуналлы 75 ар тырмонэз - пусъён азьын, ми Атыкай музъеммылэсь зэмос патриотъёссэс сӥлы кариськом. Адямиосты, кинлэн ожын но ужын подвигез историысь тужгес кышкыт ожын асьмелы вормон басьтыны инъет луиз. Адямиосты, кин кунэз куашкамысь ӝутӥз. Ми тӥледын данъяськиськом, ми тӥлесьтыд адӟем кариськом. Ми тӥледлы тупаны тыриськом. Тӥляд улонды, тӥляд тодэ ваёнъёсты – со Быдӟым Атыкай ож вакытэз адӟисьлэн верамъёсыз, инъет, кудӥз вылын тӥ бере вордскемъёслэн патриот мылкыдзы будэ. Валтӥсез ужпум, кудӥз сярысь Россилэн азьмуртэз Владимир Владимирович Путин ялан тодэ вайытэ, - асьмелэсь огъя тодэ ваёнъёсмес мыдлань каремлэсь утён, ож но Вормон, тушмонъёс но юрттӥсьёс сярысь зэмлыкез утён. Ваньмыз сярысь, мар вал. Соку сыӵеез уз луы ни. Оскытӥськом: ми со понна ваньзэ лэсьтом
Игорь Комаров, Росси азьмуртлэн Пиволжск федерал округъя ужоскето муртэз

Сӥё-дано ужрадэ лыктэм ветеранъёслы 90 ареслэсь трос ни, но медальзэс басьтыны соос йыг-йыг потӥзы.

Данъетъёсты вить ветеранъёс басьтӥзы:

- Касаткин Михаил Степанович – 3-тӥ Белорус фронтын ожмаськиз, Москваысен Кёнигсбергозь вуиз, со понна ож Чехословакиын йылпумъяськиз;

- Рылов Алексей Михайлович – Калининград фронтлэн частьёсаз ожмаськиз, 53-тӥ гвардейской краснознамённой дивизиен Псковез но Островез мозмытонэ пыриськиз;

- Светлакова Надежда Николаевна – 2-тӥ дивизионысь ПУАЗО-3 ёзэтлэн но ПВО-лэн 82-тӥ зенитно-артиллерийской батальонэзлэн командирез, Киевысь Днепр шур вамен выжез возьмаз;

- Сочнев Владимир Яковлевич – 2-тӥ Белорус фронтын Рокоссовский маршаллэн кивалтэмез улсын ожмаськиз, Дальний Востокын - Мерецков маршаллэн кивалтэмез улсын, Валтӥсь разведуправлени бордын НКВД-лэн войскоосаз служба нуиз;

- Татаркин Иван Александрович – Дальний Востокын Япониен ожмаськонэ пыриськиз, 531-тӥ истребительной авиационной полкен ӵош Уйпал Кореяе келямын вал.

Вормонлы 75 ар тырмонэн валче медальёсты сёто оже пыриськемъёслы, партизанъёслы, ож мышкын ужамъёслы, нацистъёсын кылдытэм концлагерьёсы, геттоосы но мукет пытсэтъёсы быдэ вуымтэ дыръязы шедемъёслы, озьы ик СНГ-е пырись кунъёсын улӥсьёслы, кин ож аръёсы СССР-ысь ожгар кужымъёсын но партизан отрядъёсын фашистъёсын нюръяськиз. Удмуртиын соосты 11 сюрс пала адями басьтоз



Наверх
Вниз