Ижкар+18 °C
6 -тӥ гудырикошкон 2020 Покчиарня
16+

Удмуртилэн тӧроез Можгаысь ветеранлы Вормон Нуналлы сӥзем медаль сётӥз

  • 798
  • 0
Можга / Удмуртия
Удмуртилэн тӧроез Можгаысь ветеранлы Вормон Нуналлы сӥзем медаль сётӥз
Туспуктэм: Удмуртиысь тӧролэн но кивалтэтлэн пресс-службазы

3-тӥ южтолэзе Удмуртилэн тӧроез Александр Бречалов Можгаысь Быдӟым Атыкай ожысь ветеранлы Татьяна Власовалы «75 лет Победы в Великой Отечественной войне 1941-1945 гг.» медаль сётӥз. Со сярысь элькун тӧролэн но кивалтэтлэн пресс-службазы ивортэ.

Медальёс, кудъёсыз тӥледлы туннэ азьмуртлэн косэмезъя сётӥсько, - со асьмелэн огъя тодэ ваёнъёсмылэн пусэз. Ми ваньзэ лэсьтом, совето калыклэн Быдӟым Вормонэзлэн историезлэн котькуд бамез утемын мед луоз шуыса
Александр Бречалов, Удмуртилэн тӧроез

Татьяна Семёновна Власова 92 ар талэсь азьло Белоруссиысь Гомель улосвылын вордӥськиз. Куинь аресказ анай-атайзэ кулак каризы но Новосибирск улосвылэ келязы. 1941-тӥ арын со 7 классэз йылпумъяз но партизан отрядэ сюриз. Шор ёзо но вылӥ дышетскем Вормон Нунал бере басьтӥз ини. Оглом 43 ар дышетон удысын ужаз. Можгаын 1989-тӥ арысен улэ. Китель вылаз «За доблестный труд в Великой Отечественной войне 1941-1945 гг.», котырес лыдпусъёслы сӥзем данъетъёсыз, озьы ик Беларусь Элькунлэн медальёсыз вань.

Татьяна Семёновна Александр Бречаловлы туспуктэмъёссэ возьматӥз, ож вакытэ улэм-вылэмзы но Вормон Нуналлы шумпотэмзы сярысь вераз.

Тодэ вайытом, «75 лет Победы в Великой Отечественной войне 1941-1945 гг.» медальёсты Росси азьмуртлэн косэтэзъя поттӥзы. Соосты Быдӟым Атыкай ожысь ветеранъёслы, ож мышкын ужамъёслы, концлагерьёсын быдэ вуытэм пукемъёслы но мукет муртъёслы сётозы. Элькунамы 9-тӥ куартолэзёзь соосты 11 сюрс адямиос басьтозы

Пусъём, кемалась ӧвӧл, Удмуртиысь ветеранъёслы медальёс ужъёсызъя Ижкаре лыктэм Росси азьмуртлэн Приволжск федерал округъя ужоскето муртэз Игорь Комаров сётӥз



Наверх
Вниз