Ижкар+10 °C
22 -тӥ куарусён 2020 Пуксён
18+

224 ӵектосъёс «Инициативное бюджетирование» ӵектосъя коньдон басьтозы Удмуртиын

  • 792
  • 0
Ижкар / Удмуртия
224 ӵектосъёс «Инициативное бюджетирование» ӵектосъя коньдон басьтозы Удмуртиын
Туспуктэм: Удмуртиысь тӧролэн но кивалтэтлэн пресс-службазы

2020-тӥ арын Удмуртиын 224 ӵектосъёсты кичӧлтонъёслы коньдон висъянъя программа чотын улонэ пыӵатозы. 4-тӥ южтолэзе йылпумъясь лыдметэз юнматӥзы. Со сярысь улосвыл тӧролэн но кивалтэтлэн пресс-службазы ивортэ.

Таяз арын кичӧлтонъёслы коньдон висъянъя ӵектосъёсын вожвылъяськонэ ӧри 224 куриськонъёсты лэзиз. Кылем арын сярысь со куинь поллы тросгес. Удмуртиысь тӧролэн Александр Бречаловлэн куремезъя, таяз арын коньдон но куинь поллы тросгес висъямын – 150 миллион манет
Анатолий Строков, Удмуртиысь кивалтэтлэн тӧроезлэн воштӥсез, вожвылъяськон ӧрилэн тӧроез

Солэн верамезъя, вань ӵектосъёсъя элькун коньдэтысь 143 миллион манет куремын. Кылемзэ 7 миллион манетэз кивалтэт Быдӟым Атыкай оже пыриськемъёслы синпелетъёсты выльдон ужъёслы сётыны пумкылъян кутӥз.

Тросэз ӵектосъёс сюресъёсты выльдонэн, нылпиослы площадкаос пуктонэн, спортэн вырын интыос лэсьтонэн герӟаськемын.

Ужкагазъёсты дасянын янгышъёс сэрен ӧри ньыльзэ ӵектосъёсты вожвылъяськонэ ӧз лэзьы. Ӵектосъёслэсь рейтингзэс ивортодэтъя сӧзнэт кылдытэ, адями отчы уг пыриськы. Ар ӵоже элькунысь коньдон ужъёсъя министерство ужкагаъёсты дасян пумысен визь-кенеш сётозы но, ӵектосъёсты 2021-тӥ арын эскерозы

Со сяна, таяз арын «Инициативное бюджетирование» программалэн егитъёслы ӵектосэз ужаны кутске – «Атмосфера». Отчы 14-25 аресъемъёс пыриськыны быгато. Ӵектослы элькун коньдэтысь 50 миллион манет висъязы.

Тодэ вайытом, улосвыл тӧролэн Александр Бречаловлэн пумкылъянэзъя, Удмуртиын кичӧлтонъёслы коньдон висъянлы кутскон 2029-тӥ сётӥзы. Нырысетӥ араз 144 куриськонъёс пӧлысь вожвылъяськонэ 141-зэ лэзизы, вормисьёс пӧлы 84 ӵектос шедиз. Элькун коньдэтысь 50 миллион манет субсидиос висъязы, 26 миллион манет пала интыосысь коньдэтъёс, калык но спонсоръёс ватсазы. 13 улон интыосын выль нылпи площадкаос кылдӥзы, укмысаз физкультураен но спортэн вырын интыос лэсьтӥзы, 16-яз сюресъёсты тупатъязы, витяз синпелетъёсты выльдӥзы, озьы ик ӵектос улсын паркъёсты но скверъёсты умоятыны кутскизы.  



Наверх
Вниз