Удмуртиын Быдӟым Атыкай ожын Вормонлы 75 ар тырмонлы сӥзем нылпи суредъёсъя «Мон Вормонэз суредасько» («Я рисую Победу») вожвылъяськон ортче. Со сярысь элькунысь Кун Кенешлэн пресс-службаез ивортэ.
Вожвылъяськонэ 1-4 классъёсын дышетскисьёс пырисько. Суредъёсты быдэстон пумысен куронъёсты конкурслэн (положенияз) тодыны луэ.
Вожвылъяськонлы йылпумъянъёс оштолэзе лэсьтозы. Устооссэ ужъёсты Кун Кенешлэн юртаз адӟытонэ поттозы. Вормисьёсты улосвыл парламентлэн сессияз пусъёзы.
Тодэ вайытом, 11-18 аресъем пиналъёс эскерон ужъёсъя «Правнуки Победителей – 2020» вожвылъяськонэ пыриськыны быгато. Ужъёсты южтолэзь пумозь кутозы на (азьвыл 15-тӥ южтолэзёзь чакламын вал). Озьы ик Удмуртиын патриот мылкыдо удмурт кырӟан гожтонъя «Быдӟым вормонлы сӥзисько» вожвылъяськон мынэ.