100 лет государственности Удмуртии
Ижкар+10 °C
25 -тӥ куартолэзь 2020 Вордӥськон
16+

3-7 аресъем нылпиосын семьяослы толэзьлы быдэ пособиосты Удмуртиын 1-тӥ пӧсьтолэзе сётъяны кутскозы

  • 598
  • 0
Ижкар / Удмуртия
3-7 аресъем нылпиосын семьяослы толэзьлы быдэ пособиосты Удмуртиын 1-тӥ пӧсьтолэзе сётъяны кутскозы
Туспуктэм: Руслан Нуриахметов

Удмуртиысь 3-7 аресъем нылпиосын семьяослы толэзьлы быдэ тыриськись пособиосты 1-тӥ пӧсьтолэзе сётъяны кутскозы. Тыронэз басьтон понна куриськон гинэ кулэ. Со сярысь журналистъёслы улосвыл кивалтэтлэн тӧроезлэн воштӥсез Анастасия Муталенко вераз.

Анай яке атай одӥг куриськон гинэ гожтыны кулэ. Табыш сярысь вань мукет справкаосты мерлыко политикая министерство пӧртэм сӧзнэтъёсысь ачиз люкалоз
Анастасия Муталенко, Удмуртиысь кивалтэтлэн тӧроезлэн воштӥсез

4 сюрс 982 манетэн басьтозы семьяос, кытын котькуд адямилы табышсы толэзь ӵоже улыны тырмымон шуыса пусъем коньдонлэсь ӧжыт луэ.

Пособиез басьтыны куриськонъёсты улон интыя калыклы мерлыко юрттэт сётонъя ёзэтъёсын куто ини.

Та мерлыко юрттэтлы коньдон Росси азьмуртэн Владимир Путинэн кичӧлтэм «Демография» йӧскалык ӵектос улсын федерал но элькун коньдэтъёсысь висъяське.

Ми тыриськонъёслы дасяськиськом. Асьмелэсь эсэплыко-эрикрадо ужкагазъёс дасямы ни. Оскиськомы, та юрттэт 2020-тӥ арысь 1-тӥ толшорысен лыдъяськоз
Татьяна Чуракова, Удмуртиысь ужъя но мерлыко политикая министр

Тодэ вайытом, 2020-тӥ арын нылпиослы кӧня ке мерлыко тыронъёс воштӥськизы.



Наверх
Вниз