100 лет государственности Удмуртии
Ижкар+10 °C
25 -тӥ куартолэзь 2020 Вордӥськон
16+

Быдӟым Атыкай ожын быремъёслы 300 пала синпелетъёс ӝегатскытэк тупатъямез кулэ каро Удмуртиын

  • 799
  • 0
Ижкар / Удмуртия
Быдӟым Атыкай ожын быремъёслы 300 пала синпелетъёс ӝегатскытэк тупатъямез кулэ каро Удмуртиын
Туспуктэм: Диана Чайникова

Удмуртиын Быдӟым Атыкай ожын быремъёслы сӥзем 284 синпелетъёс ӝегатскытэк тупатъямез кулэ каро. Элькун коньдэтын со понна 68 миллион 500 сюрс манет чаклазы. Буре ваён интыосты тупатъян ужпумез 16-тӥ южтолэзе улосвыл тӧро дорын ортчем аппарат кенешонын ӝутӥзы.

Александр Бречалов тупатъян ужъёсты ортчытыны ужкагазъёс дасяны куриз. Солэн верамезъя, Быдӟым Атыкай оже пыриськемъёслы синпелетъёсты но буре ваён интыосты умоятон-утялтонэн герӟаськем ӵектосъёсты кичӧлтонъёсъя коньдон висъян улсын нырысь радын эскеро.

Синпелетъёсты тупатъян-выльдон сярысь улосвыл парламентысь КПРФ фракцилэн кивалтӥсез Алексей Конорюков ивортон лэсьтӥз.

Элькунамы 968 буре ваён объектъёс, со пӧлын ожгарчиослэн 33 шайвылъёссы. Благоустройствоя лыдметэ 693 объектъёс пыртэмын. 2019-тӥ арын кар но ёрос администрациос 292 синпелетъёсын но мемориал объектъёсын выльдон но умоятон ужъёсты оглом 7 миллион 108 сюрс манет тыр ортчытӥзы. Коньдон кызьы бюджетысь, озьы ик грант программаосъя висъяськиз, озьы ик спонсоръёслэсь, со пӧлын предприятиослэсь
Алексей Конорюков, Удмуртилэн Кун Кенешысьтыз КПРФ фракцилэн кивалтӥсез

Куд-ог каръёсын но ёросын синпелетъёсты тупатъян уж борды калык но итӥськиз. Кылсярысь, Вавож ёросысь Ӟадлуд гуртын Ёрос кенешысь депутат юрттэмен синпелетлы эскиз лэсьтӥзы но коньдон люказы. Глаз ёросын «Коротай» но «Чиргино» гурт возёсъёс юртто.

Балезино ёросын улӥсьёс синпелетъёсты тупатъяны 270 сюрс манетлэсь трос коньдон люказы. Калык юрттэмен Люк, Турецкой, Андрейшур черкогуртъёсын, Котомка, Гордино, Ахмади но Бектыш гуртъёсын ожын бырем улосчиоссылы памятникъёсты выльдӥзы.

Алексей Конорюковлэн верамезъя, синпелетъёсты тупатъян уж умой пуктэмын Дэри, Яр, Шаркан, Кияса но мукет ёросъёсын. Глазкарын но Сарапулын вань памятникъёсты туннэлы выльдӥзы ни. 



Наверх
Вниз